宋芝龄踢爆安德尊多仇家 自揭姊弟恋︰我真系有㖞
撰文： 张祖铭
出版：更新：
宋芝龄今日（15日）出席“香港湾仔区各界协会庆祝香港回归祖国二十七周年”活动。宋芝龄接受《香港01》访问时表示：“我现在主要嘅工作除咗TVB 《流行都市》之外，都好积极参与湾仔地区活动，参选完之后喺湾仔做咗好多地区性活动。”她透露现时担任湾仔青年联会的主席，并表示：“我需要多啲时间俾湾仔嘅市民认识，我唔系电视框嘅宋芝龄。”
被问到会否考虑拍戏，她笑言：“拍戏我唔得，我啲戏好鬼渣，有阵时喊嘅时候啲人觉得我好似笑紧，做司仪嘅话都OK！”讲到有否留意“大王”安德尊不满王俊棠带领龙舟队指对方“挂住四围去揾食累咗啲同事”，她表示：“我冇留意，不过佢不嬲都多仇家，大王你乖啲啦！”提到安德尊经常被闹犯众憎，她说：“不过我觉得佢多一个唔多少一个唔少，都多开就冇乜所谓，我觉得系萤幕前啲人对佢误解，佢讲嘢大声啲心地都好善良。”
讲到与安德尊是否有发展的机会，她笑言：“我哋系一个好好嘅同事，你知道佢不嬲都好多嘢讲，有阵时我哋讲啲对白佢就讲晒所有嘢，佢就嚟断气𠮶一刻，我就帮佢接住个力呢一种默契就有嘅。”提到最近有否追求者，她说：“冇呀！俾佢（安德尊）闸住咗，其实我系单身㗎！”她继续指其实自己单身已经很久，也不晓得为什么与安德尊会有绯闻。被问到会否接受姊弟恋，她坦言：“我真系有㖞！近排都多咗啲细个嘅男仔，佢话觉得我好好，但我唔知道呢啲系咪叫做追求，对住啲后生男仔我谂都OK嘅，唔讨厌我，唔会叫我姐姐同阿姨。”