【有线小鲜肉】网上搜寻“靓仔记者”一定揾到佢　黄浩贤够魅力

撰文： 李妍桦
出版：更新：
Edwin又真系几Charm嘅。（网上截图）
网民就话成日睇大台睇到好闷。（网上图片）

今时今日资讯科技瞬息万变，唔追贴社会时事个Trend，好易就被淘汰，所以返到屋企打开电视，就算唔睇8点半9点半嘅肥皂剧，都要转过去新闻睇吓社会发生紧咩事，林郑又公布咗咩新政策。香港市民就惯咗睇大台嘅香港早晨、6点半新闻，又或者全日狂播嘅互动新闻台，但大台新闻成日畀人话佢“是是但但”，又批评话系“CCTVB”，连出名主播赵海珠、林小珍同周嘉仪都离台，记者柳俊江、方健仪同伍家谦又转行做KOL，大台新闻好似冇咩边个特别标青。

近期讨论区讲起新闻男主播，个个都嫌大台嘅主播质素唔够高，频频食螺丝，又投诉多咗好多大陆主播，嫌弃有阵“陆味”，仲大胆讲话：“播新闻最紧要就系靓仔，唔靓仔根本唔应该读传播！”样貌嘅嘢其实好主观，网民就推荐话：“要睇靓仔睇有线啦！”究竟有线记者有几靓仔？即刻喺Google Search一下“靓仔记者”，又真系揾到个叫黄浩贤（Edwin Wong）嘅有线记者。原来早喺一年前已经有网民发现Edwin个靓仔样，仲话被佢搞到“错晒焦点”。一啲都唔夸张，原来网上面一早就有个IG叫“有线小鲜肉”，Edwin喺入面都占咗差唔多一半嘅相。

一打“靓仔记者”就揾到佢。（网上截图）
又真系有个IG叫“有线小鲜肉”。（网上截图）

有时睇新闻对住个靓女或者靓仔嘅记者，其实都几“养眼”，所以Edwin早早就喺“Gay Post”被网民热烈讨论，赞佢靓仔又嫩口，仲要想重新睇返佢报道过嘅新闻。

Edwin上年就系香港浸会大学毕业，主修中文新闻，听讲𠮶阵佢参加Ocamp嘅时候，大家都觉得佢好靓仔，所以叫佢做“J神”。毕业之后Edwin投身传媒呢一行，有传跑港闻嘅佢就连男新闻官都忍唔住赞佢靓仔，睇嚟Edwin嘅魅力真系没法挡，不过听讲Edwin已经有一个固定嘅女友，大家都系睇多啲有线新闻FF吓算啦。

多图请按↓
+16