鬼故｜阴阳眼小朋友爆呢间医院好猛鬼　曾目击鬼揾替身推人出马路

睇节目或者听节目，经常都会听到有人经过某些地方“睇到嘢”或者感觉到“有嘢”。在灵异学说中，这些人经常都会被归纳为有“阴阳眼”，有人可以睇到极其真实的影像，有人则只可以睇到模糊的影像，各不相同。当然，有人会认为是怪力乱神，只是视野出现了幻觉。

“鬼王”潘绍聪的节目经常会邀请嘉宾分享灵异故事，早年的一集中，他就邀请了一位拥有“阴阳眼”的年青人分享灵异见闻。节目中小朋友向潘绍聪表示，经历过及见到的，最猛鬼的地方位于医院。

她说：“医院嘅底层，愈底𠮶啲，之前返学喺玛丽医院下面，喺上玛丽医院𠮶啲地方会有。”潘绍聪追问，这些灵体在等什么？是不是“揾替身”？这位小朋友就说出一件更恐怖的事，她说：“会嘅，马路。我见过嘅系，有一个人过马路嘅时候，个灵体会冲过去令佢红灯嘅过马路。”潘绍聪补充：“即是令佢觉得冇车，其实有车冲紧过嚟？”小朋友：“系啦，𠮶架系架巴士嚟，后尾有人拉住𠮶个人。”潘绍聪：“见到个灵体推佢？”小朋友回答：“行咗去佢侧边，跟住佢就行咗出去。”

潘绍聪又追问，那时候没有阻止或者提醒那个人？小朋友回答：“我以为佢（灵体）系人，之后有人拉住佢（险被巴士撞的人）之后，我就知唔系。我睇到佢，但系身边嘅人睇唔到佢。我同人哋讲‘有个人喺佢隔篱”，但系冇人睇到。”她表示，之后“被推出马路”的人，被拉回后发呆了一般坐在路边。