黄剑文为慈善演唱会忍痛戒口唔食煎炸食物：希望能够保住把声
撰文： 吴子生
出版：更新：
黄剑文（Kimman）今日（12/6）现身中环出席《我们都是唱这歌慈善演唱会》记者会。黄剑文受访时表示：“今次我喺呢个骚度，我系要唱一啲经典嘅歌曲，而且呢啲歌系我好少唱嘅，不过呢啲歌曲同我哋喺香港成长嘅文化有关，变咗呢两日不停咁练习，同埋开始要养靓把声，就好似之前备战《中年好声音2》嘅时候一样，唔好食一啲煎炸嘅嘢同埋油腻嘅食物，同时都要饮番多啲水，又要冲啲蜂蜜滋润吓个喉咙，希望能够保住把声。今次呢个骚除咗会唱合唱歌之外，我都会唱3首单曲，但就唔会连续咁去唱，系会配合唔同嘅年代成长故事，我哋就会穿插唔同嘅歌。当中自己比较耳熟能详嘅歌，就一定系莫文蔚首经典歌《如果没有你》，希望到时会有新嘅演绎方式俾到大家。”