被何太挑机｜翁静晶提醒大家小心　被问下一步：直播没有话出咗信

何伯何太早前因为《东张西望》而声名大噪，大律师翁静晶早前曾在影片频道“危险人物2.0”开直播以法律角度分析何伯何太事件，讲到有关何伯的450万元。之前曾有网民向何太表示有律师分析何伯如果想取回450万元有难度，更提及翁静晶的名字，而何太便立即激动起来：“嗱，你再提呢个律师嘅名呢，我证明你同佢系一派，一派胡言啊你。”更质疑起对方的专业资格。

昨日（10日）翁静晶再开直播说到这件事，她在直播中提到何伯的一班儿女，到今天都没说过一句话：“有冇发现佢哋冇出嚟讲过一句说话，嗱，呢个系真系唔可以讲嘅，因为你讲咗任何嘢呢，将来就会用嚟做呈堂证供嘅。”翁静晶更提到说谎的首要条件是“好记性”。

翁静晶再以故事分享要释出善意：“我系海洋公园就准备买雪糕同埋个女，前面就有个大陆嘅妈妈，佢又喺度买雪糕嘅，一㬹就㬹开咗我啦，咁就抢住去买雪糕啦。咁大家见到就好唔满意啦，你咁样㬹开人咁冇礼貌嘅，大家就闹佢啦，咁佢就好恶啦，反驳返你哋香港人好叻咩……就喺度嘈啦，嘈完一轮之后个买雪糕就畀咗杯雪糕畀个女仔啦，即系佢个女，个女仔就喺度喊，我就同佢讲，唔紧要唔紧要，我帮你畀我帮你畀。跟住佢就唔好唔好，唔好咁样大家都系中国人，跟住头先闹人𠮶个就变得好唔好意思啦。”她指自己释出“爱心”及“善良的心”去对待人。

翁静晶说：“对于𠮶啲攻击我嘅人，我系冇带有仇恨㗎，我系笑㗎。就算你话呢位大妈，我对佢冇敌意嘅，我唔会仇恨佢㗎，我亦都睇返佢背后一定有一个好可怜嘅历史，咁所以我明白嘅，我知佢想改善生活，改善家人嘅生活，但我都希望佢可以拎个爱心出嚟对人哋嘅家人。”

翁静晶说到自己做任何事情之前都会先礼后兵，她亦认同网民的说法，“我会做一个制衡嘅措施， 律师信系会出，出咗之后呢如果佢系好人嘅，佢行善良嘅路，佢唔好去伤害人，好好对家庭里面嘅人，咁就唔会有下著。但系如果好过份嘅，去伤害其他人嘅话，我亦都出咗第一封信，我亦都可以采取第二步嘅行动。”

对于近日网上有传翁静晶已经向何太发出律师信，《香港01》于她昨日直播结束后查询有关发出律师信事宜，询问翁静晶是否已经向何太发出律师信及是否会告她诽谤，而告何太诽谤又是否因为何太曾在社交平台上质疑她的专业资格。而翁静晶亦在直播中提到会有下一步行动，于是记者就向她询问下一步行动会是什么？隔了不久翁静晶就回复记者的查询时表示：“直播已经讲清楚，没有补充了，直播没有话出咗信。对方的录音带，并没有说是针对任何人。给予相似法律意见的，还有另外一位大律师。你可以先问清楚对方，言论是否针对我。复述诽谤言论，也是诽谤。最好先向对方查清楚，然后再回应。主流媒体要比较小心她那段群组留言，是没有头没有味（尾）的。所以我讲说话是很小心，直播所讲的，你慢慢听清楚。”