方皓玟爆笑回应与冼靖峰绯闻 “怪罪”传媒令追求者却步

方皓玟（小明）今日现身婚纱展任表演嘉宾，并一口送上《All We Have Is Now》、《假使世界原来不像你预期》、《唵嘛呢叭咪吽》，又透露最近除准备月底同周国贤音乐会外，亦将会推出跳舞新歌。心情大好，莫非同最近传嘅嘅恋情有关？不过，小明接受访问时，否认同冼靖峰挞著之余，仲“怪罪”传媒，搞到追求者退缩，十分好笑。“我同佢系食餐饭嘅朋友，但我一年都会约好多朋友食饭，如果食餐饭就有桃花，我都想。同埋我想讲 ，钟意方皓玫嘅朋友，千祈唔好因为呢单新闻却步。”

小明指饭局上有同冼靖峰倾到之后喺音乐上嘅合作计划，自己亦唔会因为绯闻而减少与对方联络，她认为做朋友最紧要真心，亦呼吁笋盘们留意。“我ready 俾爱情滋润，而家系dry与wet之间，即是normal 。”小明之后又“怪罪”传媒写她厌食症，严重影响自己嘅市场。“你哋写到我封盘咁，人哋就唔打扰，连我妈都以为我挞著，但我真系无开过火，个炉系ready 啫。”她又指最近直播，除咗系同fans沟通外、亦方便追求者了解自己。

而对于被指厌食症，小明解释系照片问题，又强调自己身体十分健康，每星期都会做四日运动，一日三餐食到足，而对于目前94磅体重十分满意。