洪助升最难忘生日party开始十五分钟就畀朋友灌醉　醒返已经完咗

艺人洪助升（Adien）、郭思（Suey）及黎峻（Kenneth）前日（3日）出席威士忌品牌旗舰店开幕活动。三人均表示跟朋友聚会时都会“㗳”番两杯，而Kenneth则酒量较好，他自言酒量天生ok，人生最劲是饮两支whisky，不过平常比较自律，会控制酒量，不过亦试过发生不少趣事：“有次饮多咗就拎住支唱K嘅咪，扮唐老鸭叫，哈哈。最失仪态嘅事就系饮醉咗，好型咁样周围撩人拗手瓜，但喺酒精影响嘅时候每次都会输，酒醒嘅时候发现自己手腕好痛，之后仲要去睇跌打。”

Aiden则是跟朋友chill住饮，最多三、四杯，因为现在主要是跟朋友倾偈，不再像以往般“劈酒”，最难忘的醉酒经历是早几年的生日：“我个朋友每一年嘅目标都系一定要我饮醉，记得一年个party开始咗十五分钟都冇，我就已经醉咗，醒番少少嘅时候个party已经去到尾声，我嘅生日会完全冇任何印象，好似净系经历咗15分钟就完咗，呢个系我觉得最难忘嘅饮醉酒嘅一次，好似搭咗时光机感。”

问到Suey有否遇过“被队”，她谓难免有这些情况出现，自言最醒目或最方便的做法是提早服食解酒丸。她谓饮醉酒是释放情绪的时候：“我试过一饮醉酒就喊，或者一饮醉酒就笑，好睇𠮶期嘅状况。所以最后我发觉我饮醉酒系有少少控制唔到我啲情绪，所以之后就好少再同啲唔熟嘅朋友饮酒。”Suey谓最近连续上了多个戏剧课堂，从中得好很大的启发：“因为Keep住去上堂，即系keep住去学多啲唔同嘅嘢，同埋跟唔同老师嘅方法去睇演戏呢件事，我觉得好有趣，好钟意喺呢个keep住喺学习嘅状态，希望对自己将来、即系接到唔同剧本嘅时候更加得心应手，同埋更加有充足嘅准备。”