叶振棠自觉时机啱开告别骚　扬言以后少唱歌：好难讲嘅健康嘅嘢

一年一度《万众同心公益金》慈善活动将在6月1日假电视广播城举行，而今（29日）大会就举行记招，公布主持阵容及表演嘉宾。其中一位就是殿堂级歌手叶振棠（棠哥），他在接受《香港01》访问时，表示会与《中年好声音》歌手李佳合唱，同时透露自己即将于下月举行的告别演唱会己准备就绪，将有多位嘉宾现身支持。

即将在下月23日于红馆举行《叶振棠 80告别乐坛演唱会》的棠哥，在百忙之中亦抽空现身支持公益金活动，在受访时他就表示会同李佳共同表演，他表示：“今年3月份出咗个慈善CD，佳佳都有同我合唱歌，（今次共同表演己有默契？）系呀！”

而讲到红馆演唱会现时筹备进度如何时，棠哥就表示：“应该七七八八，好开心票房非常好。（点解选择喺呢个时间点开告别演唱会？）80歳呀嘛，差唔多，应该都休息吓。其实我唔系话以后唔唱歌，只系我唔会再开个人演唱会，开个人演唱会好大压力，我觉得今年我个状态仲可以啰，明年就好难讲嘅健康嘅嘢，所以趁住今年仲有咁嘅能量（开），（之后类似小型演唱会个种都唔会开？）需要用到我或者慈善有意义嘅演唱会会参与嘅。不过当然啦，我唔会唱咁多歌㗎喇，唱两、三首仲可以。”他还表示今次演唱会有多位嘉宾现身支持，就好似张德兰等，相信届时观众一定听到耳朵怀孕。

另外，提到有靓声王之称的萧亮惊传离世，问到棠哥与对方认识吗？他就表示：“应该有一面之缘，不过就同佢唔系好熟，希望佢一路好走。”