卓韵芝扭伤脚发表拒绝兵仔论　情愿孤伶伶：有多少人当兵当得痛苦

“条女很清楚收兵好过嫁人，真的身份不过女神……”有网民将陈奕迅首《落花流水》改词暗嘲香港地女仔嘅“收兵文化”。到底咩叫收兵？就系个女仔对冇意思，唔会同你一齐，但又招揽对佢有好感嘅男仔做“观音兵”。社会对“收兵”两个字反应好两极，有人觉得收兵系一种恶行，滥用了人哋对你嘅好感，去点人做呢样𠮶样，但又吊住你条瘾等你以为你仲有机会；亦有人觉得收兵系一种赞美，皆因收得兵嘅个样或者身材都应该几唔错，通常系条件优厚嘅先收到兵。

但收兵可以话系一个愿打一个愿挨，冇话边个啱边个错，但社会各界对呢个话题争议不断，收兵是对是错可以话系一个千古悬案。

有才女之称嘅卓韵芝一向都有出书讲爱情，亦时不时在社交网站同大家分享自己嘅爱情观，可以话系港女界嘅KOL。今朝佢就收兵呢件事讲吓自己嘅睇法，事源佢扭亲要去睇医生，朋友就问佢做咩唔叫人陪，仲话佢：“你连兵都没有，枉为人！”，阿芝就觉得唔应该收兵，因为佢唔想利用人哋感情，佢话：“如果知道别人喜欢自己，而自己没有特别意思，就向对方澄清。澄清了，对方可以选择：当朋友，或离开；我觉得这样还算诚恳待人吧。”呢个咁清新脱俗嘅港女谂法的确好少有，通常女仔都会觉得唔好意思，唔忍心拒绝，就会唔觉意咁派咗“好人卡”，唔止爱需要勇气，其实拒绝都好需要勇气。

用“敢爱敢恨”嚟形容阿芝最适合不过，记得之前佢身边嘅男性友人一个换一个，仲曾经疑似同鬼佬男友嘅床照流出，佢亦无避忌过讲感情事。喺上年嘅栋笃笑入面仲继何韵诗之后公开出柜，认自己系双性恋者，当时都令娱乐圈震惊过，06年𠮶阵因为妈妈过身，佢曾经食安眠药写遗书自杀，好彩最后冇事救得返。你可能会觉得佢好偏激，成日好似喺度冲击大家嘅底线，其实佢只系一个好勇气去表达自己嘅人。