【赌城群英会】高海宁水著终于出街　王晶必杀技嬉水玩足4分钟

TVB剧《赌城群英会》自播出以来一直话题多多，先有陈百祥陈法蓉过百岁倾城之吻，又有老戏骨刘兆铭出场。可是这些场面，反应都好似一般。而作为监制的晶哥，一直以来除了有赌作为特色之外，美女与泳池这些元素一定少不了。话说出街之前，预告片已经见到高海宁出水芙蓉的画面，令观众一直都引颈以待。

直到昨晚那集，最期待的画面出现了，高海宁、何浩文、文凯玲及黄浩然在泳池嬉水，先由高Ling一个在水底弹起画面开始，然后四人就你泼下我、我泼下你，睇到都点滴透心凉，然后四人就在池边倾偈。喺TVB见到呢种画面，还要为时几分钟，的确很少有，不过有晶哥就有养眼位，总算没有令观众失望。所以昨晚剧集出街之后，有网民臭言：“睇到都唔记得咗个剧情讲咩。”、“今集真系睇到抵返晒”，不过都有熟悉晶哥作品的网民见到文凯玲与何浩文，就觉得池边那场戏：“好似睇紧《鸭王》”，仲反问网友有冇眼花。

高海宁就话为拍这场戏，特意去减肥，有３个月只吃烚鸡、烚菜，她坦言这套戏她所展现的身形是史上最瘦：“系我人生最fit嘅时候”至于泳衣look成为整套剧的焦点，她都多谢如此擡举她，但同剧都好多嘢睇，未必只聚焦她一人。