张宝儿坚持喂母乳　照饮酒：时间上要隔得好开，先唔会影响到

撰文： 吴子生
出版：更新：

袁伟豪 (Ben) 和张宝儿 (Bowie) 今日 (28/5) 现身电视城出席无线全新育儿真人骚节目《学神爸妈 Get Set Go！》宣传活动。作为新手爸爸，讲起凑仔Ben眉开眼笑说：“每日面对孩子成长都系好感恩，见到佢不断咁变化，同埋开始知道佢识听我哋讲嘢，每日见到佢嘅反应，觉得系好奇妙。”

袁伟豪感恩每日见证儿子成长。（吴子生摄）

被问到囝囝识开口叫爸爸妈妈？Bowie笑言：“而家佢仲未识叫，都只系发一啲单音字，佢而家都系仲系识玩吓口水咋。（听讲好似未冲过奶粉畀B饮？）系，因为我而家系喂母乳，每都都要泵奶，所以会比较忙。因为喂人奶嘅关系，喺饮食方面我有好多嘢都要注意，就好似我而家饮嘅咖啡系冇咖啡因，同埋如果要饮酒嘅话，时间上要隔得好开，先唔会影响到啲人奶。不过煎炸嘢，甜品都可以食嘅。”

袁伟豪和爱妻张宝儿今日出席无线全新育儿真人骚节目《学神爸妈 Ge Set Go！》宣传活动。（吴子生摄）