钟嘉欣为旧爱伍允龙翻红感高兴 昐对方早日觅真爱：佢系笋盘
撰文： 邝钰莹
出版：更新：
《九龙城寨之围城》票房成绩越来越好，现时以7千7百多万荣登香港电影史上华语影片总票房第三位，伍允龙日前为电影宣传时，自爆旧爱钟嘉欣留港期间，亦有捧场。
钟嘉欣今晚（27日）现身美容品牌活动时，表示今次会留港一星期，由于无带小朋友，所以都几轻松，仲笑言有回到过去嘅感觉。提到《九龙城寨之围城》票房大卖，嘉欣表示一定要支持。“呢套电影真系A++++，因为真系每一个演员都做得好好，每一个角色都钟意，打得好有型，又有香港情怀。（伍允龙因为电影受关注。）我戥佢好高兴，我觉得呢个造型好啱佢，同埋佢做得好自然好放，佢遇到好好嘅角色，我替佢开心，因为我知道呢个系佢梦想，希望可以拍多啲动作片，I am very happy for him 。”
嘉欣又谓大多透过社交平台与对方联络，而对于伍允龙由昔日嘅nobody 到今日嘅成绩，是否有吐气扬眉感觉，嘉欣表示：“佢一直都有价值，努力总有成果，好似我咁我期待自己嘅未来十年，我亦好期待佢嘅未来十年，我觉得会好精彩，同埋我替佢好高兴。”电影将开拍前传，嘉欣表示不只期待，甚至想出演，又力sell自己好打得，亦乐与伍允龙一同演出。最后，提到伍允龙仍是单身，问到会否想对方也早日揾到另一半，嘉欣谓：“紧系啦，佢咁好男仔，佢系荀盘。”