孖张天赋MC开骚随时斗舞　柳应廷知悉后援会问题︰希望顺利解决

撰文： 邝钰莹
出版：更新：

《KATCH OUR LIFE》今晚举行记招，宣布嚟紧举行嘅4场演唱会歌手名单！头场8月30日由柳应廷Jer@MIRROR x MC张天赋打头阵。

Jer同MC合体开骚 ，但只得一场，问到会唔会有加场空间，佢哋话要睇主办安排。（梁碧玲　摄）
二人在参加《全民造星II》时，已经是同组。（梁碧玲　摄）

同系《全民造星》出身嘅柳应廷Jer、MC对今次合作极为期待，仲话早早已经电话开会。Jer曾担任MC红馆骚嘅嘉宾，当时都已经唔系好够喉，今次有一个骚嘅时间，歌单应该令歌迷期待，不过讲到期待嘅，会唔会系两位一齐battle跳舞呢？Jer 话比赛时组队B4时，已经跳过俾大家睇，仲反问大家︰“有咁期待咩？”MC即解围话最紧要表演好睇，但完全唔抗拒。

MC话唔抗拒跳舞，但Jer就反问大家︰“有咁期待咩？”（梁碧玲　摄）

提到近日后援会因接任而引起不少争议，Jer 表示知情，并谓︰“据知佢哋系选紧下一届嘅FC，希望成件事会顺利进行。一直都好担心佢哋，因为要处理好多嘢，都好辛苦去佢哋，希望解决到而家遇到嘅问题。”Jer亦表示公司有帮手，所以希望所有问题可以顺利解决。

Jer后援会因选举下一任admin而引起纠纷，他表示知情，亦希望可顺利解决。（梁碧玲　摄）