张秀文要北上　无线失踪5个月：以为我畀人雪！

讲起张秀文，似乎很久没有见过她在TVB出现，成为失踪人口，原来她已经有成五个月冇返TVB！张秀文透露自己正忙于在深圳拍网剧，今日是五个月来第一次回到TVB，她说：“我都觉得好耐冇返TVB喇，好多人以为咁耐唔见我，一系就以为我畀人雪，一系就畀人话我离巢，但其实我仲系TVB㗎！”

不过咁耐冇返去，张秀文就发生一件事㖞，“今日返到去嘅时候，我又摷紧个员工证出嚟，security都唔认得我，之后交张证畀佢，佢又写低我𠮶名张秀文，但系又冇乜反应，真系太耐冇返去喇。”张秀文坦言好想返TVB拍剧、工作，但因为拍剧撞期唔夹，所以在TVB就只有《同盟》的产出。问到拍紧咩网剧，张秀文就话：“一套好劲嘅剧，有好多影帝，新鲜同耐嘅都有。”

张秀文话自己要转型，由主持变做演员，有传她更成为了“晶女郎”，问到是否真有其事，她说：“晶哥（王晶）一直以来都有畀好多机会新人，佢好多时都好落手落脚，佢畀咁多机会我，我都好appreciate ，至于做唔做到晶女郎，咁就要问返佢喇。（咁有冇罗致你去旗下先？）其实呢一两年佢都有揾我拍电影呀，多咗演戏嘅，只不过都仲未出街，所以观众未睇到，我都想快啲出街。”