冼靖峰遇电骗被洗脑家人揭发质疑对方身份起争执：我哋拗咗成晚
撰文： 吴子生
出版：更新：
冼靖峰（Archie）今日（23/5）现身将军澳出席无线节目《警声百二秒II》录影。对于电骗手法层出不穷，Archie受访时透露多年前差点中伏，幸好家人及时制止避免受骗：“好记得𠮶阵时收到个自称系海关打来嘅电话，话我有件包裹出现咗问题，要求我跟佢个程序指示去做，佢吩咐我要提供个人资料先，于是我就准备个人资料。”
Archie续说：“就喺我整理紧个人资料嘅时候就俾Daddy发现咗，然后佢就问我仲乜事，我就讲俾佢知，点知Daddy就同我讲呢个系电话骗案嚟，叫我唔使理佢，仲强调话我唔理佢，佢第日就唔会再打嚟，但我当时深信呢个电话系真，双方就为咗呢个问题，拗咗成个夜晚，我仲话佢，如果佢系真海关会点算。点知到第二日，我冇做到佢哋要求嘅嘢，佢哋真系冇再打嚟，𠮶刻我就相信我Daddy讲嘅嘢系真。”