香港婚后事｜姚子羚亲解仍单身之谜　陈自瑶颁奖礼经典黑面被重提

由陈自瑶（Yoyo）、赖慰玲（Winki）、黎诺懿及罗天宇主持的《香港婚后事》，今晚（23日）播出的第9集嘉宾姚子羚（Elaine）。

作为单身贵族，姚子羚坦言对爱情仍然有憧憬，但不会强求，她说：“唔系要揾一个人结婚，而系要遇到一个适合你嘅人，我依家唔系去求职，对我嚟讲婚姻系一生一世嘅事。”赖慰玲问她曾否遇过想结婚的对象，姚子羚坦言有：“但依家回头望番，𠮶个人并唔系可以同我行落去嘅人，可能我最终会离婚，当你唔开心、迷惘嘅时候，往往呢啲人走出嚟嘅时候，通常都系错嘅，因为你喺最迷失嘅时候，只要有个人行埋嚟，你就会觉得佢好好，经历咗呢啲事你就realize，啱就系啱，唔啱就系唔啱。”

之后讲到姊弟恋和异地恋等话题，姚子羚自爆读书时试过异地恋：“𠮶时喺澳大利亚读书，男朋友系马来西亚人，读完书之后我返咗嚟香港，佢就返咗马来西亚，最终就分开咗，虽然我𠮶时系读communication，但我本身唔系好识communicate。”诺懿问姚子羚能否接受与廿多岁的小鲜肉拍拖？姚子羚笑言：“廿几岁，正吖！”之后再正色道：“我谂我未必得，虽然我Keep得几好，我望落去都似廿几岁之嘛，如果（相差）5年之内就OK。”

今集四位主持将决战四方城，四人大谈对与伴侣同公司工作的看法，赖慰玲坦言：“少见啲会好啲，如果日日夜夜喺埋一齐，其实冇自己空间会好辛苦！”天宇则认为如果双方都是艺人“有好有唔好”：“我觉得可以多咗共同话题，佢会明白你多啲。”之后讲到家中地位，诺懿笑言自己对于家中的布置零话语权，并自言是家中的“水电工”。四位主持亦并非打麻雀闲谈咁简单，皆因食糊的人可以向其中一位问一个问题，率先食糊的诺懿战战兢兢问陈自瑶：“你可以唔答㗎……我想问呢，啲人成日提住你喺颁奖典礼黑面，你会唔会唔开心？同埋系咪真系黑脸？”陈自瑶将会在节目中回应。