李龙基借助神明保佑Chris盼早日有结果　拒谈何伯：分分钟累咗人

撰文： 陈钊
出版：更新：

近排因未婚妻（Chris）卷入连串负面风波而人气爆灯的李龙基，今晚（19日）现身尖东为“《开心大派对》爱·最美丽维港之夜2024”担任嘉宾，一阵粉红色打扮，非常抢眼。

李龙基今晚（19日）现身尖东为“《开心大派对》爱·最美丽维港之夜2024”担任嘉宾，一阵粉红色打扮，非常抢眼。（陈钊摄）
李龙基风骚现身。（陈钊摄）

李龙基直言近日的确比较忙，都是唱歌为主，6月份在内地会有两场骚，明日先会到南沙宣传，然后再落广州即日来回，“呢啲工作都系最近接洽的，我都感觉最近好似红咗好多咁，系好红㖞唔知点解，但老实讲咁样红法唔系几想，凡事都有正反两面，有好有唔好，但站喺我立场当初真系唔系几好，但而家又好似造就咗我少少嘢。（系咪都想用工作去分心？）呢个绝对系，尤其唱歌，好似前几日去澳门登台，好多人陪你一齐开心。”

同场还有薛家燕及一众声梦歌手和中年好声音歌手。（陈钊摄）

未婚妻王青霞（Chris）的案件今个月28日再讯，问到对方现时心情？李龙基说：“佢都开始好返好多了，习惯咗好多，我每日都会见一见佢。（仲会唔会好波动见到你会喊？）而家好咗好多，叫做接受啰。”

李龙基都坦言希望快点到宣判结果的一日，形容现在每日都很煎熬，“因为唔知会有咩发生，当然我而家都系尽力去帮佢，做得几多就几多。（有冇评估过有机会发生咩情况？）冇了，已交晒畀律师处理，况且呢个律师信得过，应该帮得到Chris。”

李龙基透露未婚妻Chris现时心情好了很多。（摄影、摄录：潘乐文、麦超亿）

李龙基续言虽然现在睡眠有所改善，可以睡到5、6小时，但一日未有结果，一日都好像有东西压著心口，“希望呢嚿石头早啲搬开啦。”他又言：“情况应该唔会再差架了。但点都好啦，都要接受嘅。（你系咪都已做好心理准备？）好难讲，而家咩都系未知之数，虽然会尽力，但法庭上嘅嘢好难讲。我而家都借助神明，希望黄大仙听到我嘅禀告，保佑保佑。”

李龙基希望未婚妻Chris的案件早日有结果，让他可放下心头大石。（陈钊摄）

另外，谈到《东张西望》播出76岁何伯与细他逾30年“新何太”闪婚一事，随即成为全城热话。李龙基表示没有详细去看，只是望了望标题，始终是人家的事，不会太著意，“我自己嘅事都未顾掂，费事理人哋咁多啦。”对于风头被何伯盖过，李龙基连声说：“冇问题！冇问题！”

何伯及“新何太”的爱情故事近日成为网民热话。(节目截图)

有网民赞他叻仔，处理得体，相反何伯搞到众叛亲离。李龙基风骚说：“由得佢啦，我同Chris咁耐了，我好了解佢，亦都好值得去爱，我亦知道佢对我系真心，呢个已经够㗎啦！（你觉得何伯和新何太系咪真心？）我唔知，因为我冇详细去睇内容，无谓评论。（可有忠告畀何伯？）冇啦，我自己都搞到一塌糊涂。而且咁大个人，自己识处理㗎啦，你话我嘅意见好好咩？未必好㗎，分分钟累咗人𠻹呀！所以唔出声好啲，佢哋自己处理啦。”

李龙基不评论何伯，自嘲都搞到一塌糊涂。（陈钊摄）

有人指何伯和新何太相识不足3个月便闪婚太快？李龙基的看法是：“我同Chris都认识咗14、15年，呢段时间都够㗎了，如果咁都认唔清一个人就真系好失败了，所以我觉得我今时今日都唔算失败嘅。”