刘松仁谈演技如果升华到气质：有啲人选影帝选到，佢就变｜专访

由刘松仁导演，王梓轩主演的音乐剧《利玛窦》在上个月第三次公演，原来松哥与梓轩已经相识多年，在TVB拍《华丽转身》而认识，不过当时并没有同场。他们的渊源在于，汪明荃觉得王梓轩对一场戏的演法感到困难，于是便叫松哥帮忙指导一下，从此两人便多了一重关系。到松哥接到《利玛窦》这部舞台剧时，他便立即找梓轩合作。

这部剧足足排练了5年时间，松哥表示剧本最困难，亦因此令他产生将《利玛窦》变成歌舞剧的想法，在访问中他亦大赞梓轩：“佢畀我第一个印象，排戏嘅时候，我同佢讲完嘅嘢佢可以一take演到出嚟，所以我觉得佢系一个好有潜质嘅演员，佢悟性好高，因为𠮶场戏系好难演。第二佢畀我嘅感觉，佢作嘅歌、唱出嚟，佢音乐感好好，好有音乐天份，所以我知道佢又唱得又演得。”

梓轩表示自己有如此好的表现，全靠松哥激发：“佢问咗我好多好好嘅问题，令我动力好大，𠮶戏唔使做，系真，佢真系问到𠮶一下。”松哥指因为自己有经验，分析剧本可以看中关键的位置，他只是帮助梓轩分析，他说：“对一个演员唔容易，佢要吸收，好难嘅。”他续指：“演戏通常唔容易，需要时间，需要用心，然后慢慢去揣摩，然后学习提升自己，去到某个阶段要突破。突破系最难，开始系真性情，跟住拿捏到咁样系好，就会去咗脑𠮶度，你就会想重复我嘅好，当你想重复就唔系原本嘅好。但你一定要经过呢个阶段，用个脑，就系我哋所谓演技，弥补我哋一啲缺憾。后生唔识演系用真，当人哋睇晒你啲真，我就用演技去呃观众，呃埋自己，呢个另一个阶段。到最后，你唔要演技，反璞归真，去返真性情，呢个阶段最难，好嘅演员会遇到，一般演员唔会有呢个问题，佢都未去到。呢个同演员本身做人修养有关，体验角色，𠮶个就系独一无二，对角色理解，系我先可以处理到，升华到一个艺术level，你就唔系一个演员，你会变成一个艺术家。”

这种境界的确不容易，香港又有多少演员可以做到？松哥笑指:“我啰，哈哈。我唔会咁讲，流派有唔同会出唔同艺术家，你唔可以判断佢系定唔系，或者佢仲经过紧，过两年可能系，唔判断得。不过有一个咁嘅流程，由真、技巧、随心所欲，你对角色感观唔同就会有唔同处理，𠮶个真系你嘅独一无二。所以一个角色去到你𠮶度，我演，系冇（其他）人演到，因为我嘅理解一般人理解唔到，所以变咗你嘅角色，你嘅独一无二，咁你就开始升华。”

“你要长期用练习，锻炼自己，喺过程入面培养自己情操、气质，你做紧嘅时候有你嘅态度，你嘅态度就培养咗你嘅气质，呢个气质先难，唔系技法难，技法慢慢练。你面对日常生活，培养自己情操、气质最难，所以啲人去到某个阶解，你话呢个人咁有气质，其实你讲唔出系乜嘢，就系内心形成，因为长年累月经历咁多嘢，不断锻炼自己，不断用自己唔同角度、态度去对待，培养咗一种气质，𠮶个气质值钱。所以一般咁嘅演员，冇人可以copy，学佢学唔到，佢企出嚟就系，因为啲嘢喺内地，你明唔明？”松哥语重心长地问梓轩，看得出他对这是后辈相当期待，希望他终有一日到达这个境界。

当然，道理就放在这里，但绝不容易做到，松哥都认同很容易便会放弃：“同埋会跟，以为系咁，有好多歪路引诱你，或者我需要钱，我求其喇，我接多啲戏，好多嘢，就睇你点把持你嘅态度。例如有啲人选影帝，选到喇，佢就变喇，巴闭喇，擡高身价喇，咁佢嘅气质咪变啰，你攞影帝嘅时候唔系咁架㖞，点解你而家得到之后变成咁呢，就系气质变咗。”松哥也说到，如果你败了，你更积极装备自己，过程中可能慢慢又会累积气质，变成自己的独一无二。不过松哥亦表示，每人追求不同，不可以胡乱判断人。

《利玛窦》除了有梓轩做主角，其实亦有不少潜质演员，松哥更指名希望他们一起受访，何洋(Ernestine)和菠萝便是其中两位。Ernestine在《利玛窦》三次公演中也有份参与，她本身是歌手和音乐剧演员，亦有一队婚宴乐队，同时又是一名歌唱、戏剧导师，更会有配音工作，技能非常之多。至于菠萝同样也是音乐剧演员，出面会拍戏，也会教唱歌。他们两人不约而同表示，虽然《利玛窦》这部音乐剧会令他们在一段时间失去不少其他工作机会，但为了可以跟松哥合作，肯定义无反顾。