79岁陈惠敏自揭3年前患脑癌　花7位数字抗癌：话唔惊就假

陈惠敏在2020时中风兼患有肺癌，经过治疗后康复情况理想。近日他接受资深传媒人汪曼玲访问时，自揭 3年前曾患上脑癌！他在访问中揭示：“有一轮我喺屋企落梯都觉得有啲晕晕哋，成日觉得有啲唔妥，点知有一次落楼梯之后，突然成个人晕咗，之后咪去医院检查，检查完之后，发现个脑有粒好似绿豆咁大嘅嘢，影响咗成个人，有时候会觉得好唔清醒。”

陈惠敏表示由于有运动底子，所以完全不用化疗和电疗，只需打针同食药。“连标靶都唔使做，只系每20日返去医生度吊针，吊咗差唔多一年，每吊一次都要7、8万，都用咗好多钱，用咗百几万，不过而家健康好番，冇乜大碍。”现已完全康复，不用再定期检查。不过回想确诊患癌一刻，呢位英雄人物都话好惊：“话唔惊就假，系人都怕死，点会谂到个脑会有cancer？𠮶阵系好严重，成日晕，睇嘢又睇唔清楚，因为系喺右边个脑发现，影响咗左边嘅身体，所以我而家都有少少唔系咁灵敏，仲有啲痹，仲试过冇乜力。”

对于近日被影到驼背撑拐杖的相片，陈惠敏表示因年轻时习武，令脚嘅软骨如今所余无几，行路都痛。“最近几个月就做咗一个髋关节手术，换咗一个金属落去。”由于手术后，行路不平衡所以需要借用拎拐发力。