东张｜何太摆档首日揾猎物　何伯否认饮迷晕汤︰后生仔唔够我嚟

76岁何伯再娶细30岁内地女连日被疯狂洗版，昨晚（13日）播出嘅《东张西望》，何太展示自己嘅A货手货同珠宝首饰，但最后不忘大晒何伯情人节时送嘅龙凤鈪，约值10万元。

今晚（14日）播出一集，连街市档主都对何太有意见，指佢一早处心积虑喺街市寻找猎物，有机心地送上“迷汤”。有街坊指何伯为人热情健谈，不时喺街市同人吹水、打发时间。而何太第一日摆临时档时，已同大家讲自己失婚，想揾个单身男人，大家都觉得佢有问题，仲不断提醒何伯要小心。

不过去到到第三日，街坊们已经见到何太出动花旗参水、果皮水 ，又会剥埋橙俾何伯。“佢第一日同人讲自己离咗婚5年，同何伯讲想揾个单身男人，问有冇人可以介绍俾佢，话自己有个仔，18岁左右。”呢位报纸档档主又指，何太亦有向婚理发师埋手，加对方微信。理发师受访时表示阅人无数︰“一听佢讲嘢就知佢钓鱼，我觉得佢揾鱼。”

对于被指“介绍单身男人”、“做干女、老婆都得”，何伯表示当初何太第一句说话的确无系咁话，但由于佢自己一眼就睇中对方，所以“留返自己用”。而被指煲“迷晕汤”、“喺汤加伟哥”，何伯就咁话：“点会迷晕汤？越饮越精神 ，后生仔唔够我嚟。”又指前妻离开9年，一直无揾过其他女人。何太表示自己因为想开发廊，所以先会同理发加微信，又表示知道对方有老婆，访问中，何太再强调自己行得正企得正，又会对抗恶人。