修哥开演唱会爆张家辉自动揾上门做嘉宾：我都冇谂住揾佢
撰文： 吴子生
出版：更新：
修哥（胡枫）今日（14/5）现身土瓜湾连同为《枫骚演唱会2024》彩排，讲到今年又开演唱会，以92岁之龄再创造全球华人最高齢举办大型演唱会的纪录，修哥接受《香港01》访问时表示：“其实初初我就冇呢个谂法，后尾做吓做吓，既然破咗纪录，就希望继续破第二样，跟住又破第3样。不过破咗亚洲纪录系好开心嘅。（到95岁仲开骚就会破埋健力士世纪录！）系呀，听闻到95仲开骚，系破健力士纪录，不过都要唱得到好一首歌先得㗎。”
被问到有否揾契仔张家辉做演唱会嘉宾？修哥笑言：“家辉佢起码撑咗我4至5次，如果我开演唱会，佢就会发短讯俾我，会话我点解揾佢。但今次我都冇谂住揾佢，都系主办方去揾佢咋。”