张继聪自爆瘀事请修哥坐竟被“教训”：原来佢出晒名系唔会坐
撰文： 吴子生
出版：更新：
张继聪今日（14/5）现身土瓜湾出席《无限枫骚演唱会2024》项目彩排。张继聪接受《香港01》访问时表示：“好荣幸得到修哥（胡枫）邀请做佢演唱会嘉宾，好记得我第一套拍嘅电视剧就系同修哥合作，喺修哥身上系启发到好多嘢，讲紧做呢行嘅态度，同埋佢嘅养生之道，都系我学习嘅榜样。”
张继聪记忆犹新指和修哥拍剧时，发现对方经常站立：“修哥除咗食饭嘅时候会坐之外，其余时间喺片场时都会企喺度，又或者行来行去，佢系好健康。我试过请佢坐谂住孝顺吓佢，点知原来修哥出晒名系唔会坐，就先知自己唔识嘢。修哥话我知佢入行咁多年，佢行过咁多路，如果拉条直线，系可以围绕地球几圈。”