东张西望｜前主持黄颖君升呢武汉市港区政协委员：话我动员能力强
撰文： 吴子生
出版：更新：
前无线《东张西望》女主持人黄颖君（Burmie）多年前毅然离开无线转换新环境加入政府，担任民政事务局媒体主任。不过她在社交平台出Post在内地开会，武汉市港区政协委员身份意外曝光，消息令人惊喜。
今日（11/5）Burmie现身黄埔接受汉阳主持的新城《诗歌有Guide》节目录音访问。对于升呢为武汉市港区政协委员，Burmie接受《香港01》访问时表示：“其实喺2020年我已经系武汉市政协委员嚟，而且一路都冇刻意去同大家解释，咁啱𠮶年又疫情，又真系冇得飞去𠮶边开会 ，加上做咗几年都冇去过会议中心，咁啱上一年就系实体会，咁梗系把握机会影相，消息出咗，知道好多人都好关注，多谢大家嘅关心。”
被问到现时会否两边飞？Burmie表示：“都会，因为都要了解𠮶边环境，同埋认识佢哋嘅发展，咁所以都会过去。嚟近仲会搞啲交流团。（咩原因令你成为武汉市政协委员？）记得喺19年嘅时候，我有咗小朋友，加上疫情又爆发，当时冇得做幕前嘅工作，变咗做幕后，例如筹集物资，同埋分配工作。可能当时我筹集物资系最多𠮶个，朋友多，帮手多，变咗佢哋觉得我动员能力都好强，就问我有冇兴趣。我就问佢哋要做啲乜？佢哋就话要写提案，同埋有时要上去开会。咁本身我有出书，而且写字都Ok，加上讲普通话我都得，就系咁我就尝试去做。始终都系人生另一种挑战嚟。”