香港婚后事｜谈婚后出轨　陈自瑶吐真言：有人专拣有妇之夫埋手

一共十集的《香港婚后事》逢周四及周五晚十点半翡翠台播映，节目主持为陈自瑶（Yoyo）、赖慰玲（Winki）、黎诺懿及罗天宇，第6集嘉宾继续是相爱28载的单立文（豹哥）和胡蓓蔚（豹嫂）。

承接上集，豹哥追击“单身贵族”罗天宇对婚姻有没有憧憬，天宇坦言：“（展开一段恋情）一定系向住结婚方向，但系慢慢落去好似唔系好顺利，或者觉得去唔到𠮶度（结婚）嘅，之后会再睇定啲先，但系依家开始年纪大、想有小朋友嘅话，又好似有少少赶。”豹哥即以过来人身份教路：“千祈唔可以急，我差唔多50岁先结婚，慢慢拣，先拣到一个真系好嘅。”豹嫂闻言插嘴说：“咁我哋决定唔生小朋友嘛，如果佢系想生……”搞鬼的豹哥闻言竟扮愕然谓：“吓？你唔生小朋友㗎？”场面搞笑。

“婚姻系要有忍耐力，忍耐力就系要战胜你嘅好奇心”

今集分享的真实故事花生指数十足，Winki说有一对三十多岁的夫妇，结婚数年感情稳定。两人婚后在家中不时听到隔篱屋“翻云覆雨”的声音，屋主是一名60多岁的油腻大叔，未几，即有极震撼的奇遇发生在男事主身上。豹哥听毕后即婚姻专家上身并分析说：“婚姻耐咗，你会受到啲莫名其妙嘅嘢引诱，之后你会好好奇，好奇就害死猫，好奇心系人类天生本性，婚姻系要有忍耐力，忍耐力就系要战胜你嘅好奇心，你先维系到婚姻。”

Yoyo问到豹哥、豹嫂曾否有过想出轨的时刻？豹哥Man爆说：“如果你（结婚时）立咗誓，同佢（另一半）讲过我爱你一生一世，如果你做唔到嘅话，你根本就唔系男人，系咪呀？”Yoyo再讲到有人专拣“有妇之夫／有夫之妇”埋手，豹嫂闻言说：“有呢啲人㗎咩？”Yoyo道：“有，好多！”想知豹哥又有何独特见解？密切留意今晚播出一集。最后豹哥拿出结他伴奏，豹嫂大献歌喉唱出《倾城》，为营火会画上圆满句号。

之后4位主持齐齐蒲吧Happy Hour，并大谈昔日蒲吧史！Yoyo自揭蒲吧次数不多：“同朋友去过几次，我仲会去跳舞添。”诺懿追问有否艳遇时Yoyo直言：“有嘅，会有人行埋嚟话：‘你好靓㖞。’但系我冇Show佢。”其他人再问是否觉得酒吧没有真爱，Yoyo即自认传统：“可以喺酒吧咁样撩一个女仔，即系惯犯！”讲到酒后做错事，诺懿笑言认识太太李洁莹的第二天已经大醉，所以太太早已见尽他的丑态，他透露有一次在好友陈敏之生日饭局喝得酩酊大醉，结果李洁莹做了一个窝心行为，令同场的伍咏薇赞赏不已，诺懿说：“老伍第二日打畀我，佢话呢个女仔得呀！”到底李洁莹做了甚么事？密切留意今晚播出的《香港婚后事》。