单立文爆被老婆挑衅激到要睇医生　12字潇洒回应过去拍三级片经历

由陈自瑶（Yoyo）、赖慰玲（Winki）、黎诺懿及罗天宇主持、一共十集的《香港婚后事》，今晚（9日）播出的第5集嘉宾是圈中恩爱夫妻单立文（豹哥）和胡蓓蔚（豹嫂），两夫妇在节目中不时打打闹闹互相开玩笑，甜蜜互动尽显默契，当中豹哥大晒幽默本色疯狂答非所问，激到一班主持扎扎跳，气氛欢愉！

相爱28年的豹哥、豹嫂恩爱如昔，身为“单身狗”的罗天宇请教两人爱情保鲜法，豹哥大抛婚姻哲理：“婚姻系两个人三唔识七喺埋一齐，之后产生一种化学作用叫爱情，之后到你Commit要照顾一生一世，讲就易啰，当你途中遇到咁多嘢𠮶阵，你个心会唔会动摇？会唔会想放弃？你要重拾正轨去巩固番个婚姻，系好艰难，一段婚姻共富贵系好容易，共患难就唔容易。”

豹嫂则指最近因一事令她有新的领悟：“最近我激亲我老公，激到佢睇医生，原本系好小事，但大家喺度互顶，佢话：‘你收声！’我话：‘我好冷静，你有咩资格叫我收声，我做咩要收声，我依家叫你收声！’之后佢个胃就唔舒服，个肚好多气，Gur咗几日，跟住佢去睇医生，食咗两个月胃药。”豹哥笑言：“佢依家好似好轻描淡写，但当刻系好挑衅！”豹嫂自认性格比较直和倔，经此一役后学识对老公要温柔一点。

豹哥、豹嫂拍拖12年后才走进婚姻的殿堂，问到他们当时为何想结婚时？豹嫂坦言：“系我同佢讲结婚嘅，当时好多朋友都系做艺术方面嘅工作，佢哋话结婚生仔冇可能，点知一讲完佢哋就结咗婚，之后再生咗两个小朋友。之后我去探我个朋友，佢好语重心长同我讲，其实你哋都要谂谂系咪要结婚，之后我返到屋企，我就话边个话我哋系咪要结婚呢，佢听完之后就话好呀。”

豹哥则认为：“我觉得结婚唔系一件大不了嘅事，签一张纸就代表你一生一世爱呢个人咩？唔系吖嘛，呢个形式系做畀啲老人家睇，或者系做畀朋友睇，系一场大龙凤嚟。”谈到千年难解的婆媳关系，豹嫂大赞奶奶非常开明，从来都不会给她压力。

讲到豹哥，不得不提他的外号“西门庆专业户”，豹哥更大方分享拍过三级片的过去：“蔡澜当初签咗我三部（电影），佢话第一套冇嘢㗎，系个书生喺度打啲妖咁，Lur住带过咁啰。”豹哥坦言没有后悔过拍爱情动作片：“如果你应承要做，你就要努力做好佢。”豹哥更云淡风轻抛下一句：“都系历史人物啫，冇咩大不了！”相当潇洒。节目尾声，豹哥矛头直指有“女神收割机”之称的罗天宇身上，追问他对婚姻有没有憧憬，天宇还会在节目中公开对被封为“女神收割机”的感受。