逆天奇案2｜林夏薇爆老公睇到喊　憎恨方力申：要我放狗去咬小方

TVB热播剧《逆天奇案2》今（8日）举行宣传活动，一众主要演员均有出席。对于剧集收视节节上升，两位主角林夏薇、陈展鹏都大表开心，其中林夏薇在接受《香港01》访问时，更透露老公莫赞生睇到喊，令她相当震惊。

《逆天奇案2》自播出后好评不断，更连续四周，7天跨平台平均收视黄金时段夺冠，相当厉害。对于这个好成绩，两位主演林夏薇、陈展鹏都大表开心，当中林夏薇就表示：“好开心有好嘅成绩，我老公睇到喊晒，（边一幕？）佢（陈展鹏）喺法庭判入狱，同埋同佢求婚。因为我老公系一个泪点非常高嘅人，佢系唔会喊嘅，佢睇我啲剧更加唔会，竟然𠮶日佢喺度喊晒，跟住佢话好惨，仲话要我放啲狗去咬小方（方力申），佢而家系我哋最大嘅CP粉，（有冇问你之后集数真相？）佢唔想知，佢想追。”

而在旁的陈展鹏亦表示太太单文柔亦有收看支持：“我凑紧女嘅时候佢喺度睇，佢话原来你留晒须，唔好成日gel起个头都几靓仔㖞。（会唔会维持老婆心目中靓仔形象发型？）因应角色。”

另外，提到在最新一集监狱戏中，林夏薇的喊戏展现出视后级演技，获不少网民激赞，对此她就表示：“因为个剧本写得好好，当时睇到呢场戏嘅时候，已经好有feel，做咗功课，嚟到又有好嘅对手，我哋拍咗几套都有默契，一去到现场都即刻好有火花。”而且还是一take 过拍摄，相当厉害。

最后，提到疫情过后有不少港人选择北上消费，问到自家生意有没有影响时，林夏薇就表示：“我觉得其实依家市场大环境都系咁样，所以我都觉得有危就有机，所以都系尽力去做好自己嘅质量，同埋因应市场去调节，根据市场嘅需求去调节生意嘅部署。”而除了投资饮食生意之外，她还打算进军钻石市场，透露目前正在物色中意的铺位，预计要去到年尾才有实体店。