专访｜Marco@P1X3L落实开骚日子大感震惊　预告演唱会有除衫环节

男子组合P1X3L的所属公司环球最近宣布喜讯，他们即将在本月5月31日于九展开首次演唱会《P1X3L !OMG LIVE 2024》，正在忙于彩排的三位成员吴启洋（Phoebus）、欧镇灏（George）及叶振弘（Marco）接受《香港01》专访分享演唱会筹备状况。对于出道第三年终于开骚，Marco坦言：“其实真正确定（开骚）𠮶一日，我反而系震惊咗一吓，好多未知数，又未知会系点，𠮶阵时仲未搞《P1X3L 5G On Stage!》个骚，搞完呢个骚之后我哋呢个演唱会就开始进行排练，成件事就清晰啲知道点样系一个骚。”

Phoebus自爆一个原因失去舞台动力

有消息指原本P1X3L演唱会是计划在出道第一年举行，结果却一拖再拖，Phoebus表示：“老实讲嘅，出道第一年已经开始讲会搞（演唱会）嘅，每一次收到会搞嘅通知都系好开心，但结果都系冇咗，好似变咗灰姑娘嘅故事咁！”George则说：“反而已经唔系失落，因为始终都系P1X3L嘅舞台，咁我哋都希望可以喺台上做到想做嘅嘢，多谢Fans成就呢个舞台俾我哋。”讲到有否曾经因为演唱会延迟举行而感到失落，表示：“之前有一段时间系觉得冇咁有动力做每一件事，演唱会话搞又唔搞，失去对于舞台嘅动力。”

演唱会命名竟同七师傅有关？

提到命名为演唱会《P1X3L !OMG LIVE 2024》，Phoebus透露是与七师傅 (七仙羽) 有关系，他说：“（上综艺节目《七救星》）呢件事系帮到我哋好多嘅一件事，呢样嘢都好象征，观众对我哋嘅认识，OMG有终于搞嘅意思喺度！”至于会否考虑邀请七师父做嘉宾，P1X3L表示希望她能够做观众，原因是怕对方工作行程太忙。被问到其他嘉宾心水名单，Phoebus则幽默回应要保留神秘。

唔愿同MIRROR作比较

讲到外界对于现时活跃的男子组合，第一时间通常会想起人气男团MIRROR与P1X3L，Phoebus表示：“MIRROR系活跃，P1X3L就算系活跃中，发展中嘅国家。”对于外界经常会以这两对组合作互相比较，George坦言：“算系一个良性嘅竞争，因为大家可能喺舞台上面，见到自己嘅不足会更加做好，唔会去比较，反而系做好一个作品。”Phoebus说：“现在比较多嘅互相鼓励系重要过其他人俾我哋嘅留言。”

预告演唱会有除衫环节

至于现时演唱会筹备状况，George透露应该总共有30首歌。提到音乐产量并不足以开骚，George回应：“放心一定系唔够，所以我哋一定会筹备好多我哋想表演嘅歌。”对于第一次开骚，就勇于挑战四面台，Marco说：“其实四面台嘅谂法系想近距离同Fans有多啲互动，始终三面台坐得好远见都见唔到，净系可以睇住个大萤幕。”说到观众最期待的除衫环节，Phoebus说：“其实我哋有除衫呢个环节，不过系除边个位唔话俾你听。”Marco回应：“其实我明白Fans点解想我哋除衫，但我更加想佢哋能够够专注我哋嘅作品想表达嘅意思。”

透露新碟卖大包有16首歌

最近有报道指环球唱片不断出现人士变动，George说：“其实始终每一间公司都会有变动，其实对于我哋嘅影响不大，反而系我哋而家沟通上非常之好。”Phoebus表示：“支持公司嘅决定，可能现在嘅做法为咗建设更好嘅未来。”Marco透露今年的工作大计，分别三位成员都会推出个人单曲，他说：“希望能够在演唱会之前再推出几首作品，喺演唱会可以表演俾大家睇。”讲到是否会计划出新专辑，他们异口同声表示：“会。大碟系会有16首歌，因为各自有埋个人单曲，再加埋团体歌曲有唔同版本。”

P1X3L大谈择偶条件

讲到择偶条件，George表示：“最紧要个人够善良就足够。”至于是否当艺人比较难拍拖，George说：“机会一定有嘅，但好多时会专注喺工作度多啲，其实好多时我哋收完工都要持续去进修，拍拖嘅嘢就之后先算。”Phoebus表示自己喜欢爱笑的女孩，他真情剖白：“其实做我哋另外一半都惨，出道头几年我哋花好多时间喺舞台，我哋仲要唱跳，无论团体个人都仲要拍剧，其实我哋有少少嘅休息时间都好重要。”Phoebus被问到日后会否继续公开恋情，他说：“有先算啦！”Marco指自己的择偶条件都是善良，并且会以结婚为目标。

场地：iza'bis by city'super