雯雯爆四大恶耗初步怀疑有肿瘤　张致恒三仔入院爱犬患癌兼被逼迁

张致恒与太太区燕雯（雯雯）结婚以来，话题不绝，二人与4名儿子3只狗屡次陷入财政危机，早前雯雯坦言已断绝母女关系。5月3日又上载新片，连环爆四大恶耗，儿子入急症狗狗患癌，雯雯自己都疑有肿瘤。

雯雯指自己经历咗“最难过嘅一星期”，之后播出自己戴病人手带嘅相片，留言：“首先就系自己唔舒服，去咗急症，初步怀疑系肿瘤，要等化验报告，同埋再深入检查。”几近同时两岁三仔朗朗发烧入院：“朗朗持续成个星期都系高烧状态，今次去急症，分流咗系紧急，即刻照X光入院，我完全冇准备下，就陪佢一齐入咗院，做一连串检查……”首次离开朗朗一个人在陌生的地方，雯雯在门外听到护士关门绑住儿子抽血狂嗌及大喊，令她忍不住流泪。

更指连爱犬也难逃厄运疑患上癌症，无奈地称：“呢个星期完完全全好似我一生唔好嘅野一次过发生。短短7日时间，承受嘅压力我已经再抖唔到气，心身都觉得好累，我自问已经冇气力再撑到任何的事情。”她又再次表示没钱交租被逼迁：“结尾就系全家病哂，一个月就算姐姐到左都冇正常工作冇收入 ，换来嘅就系冇交租要搬走，但事实我地又点可能有一笔钱去租新地方，就算有，香港都唔会有人租比（畀）我地（哋）。比著以往我会想尽办法保住个屋企，乞…..甚至出卖自己都要保住个屋企。但呢个星期发生嘅已经令咩力气都冇，自己持续肚痛，仲要日夜夜照顾朗朗，担心狗狗。我宜家就算要瞓街，咩都冇晒，我只希望所有小朋友同狗狗可以健康，唔好离开我。”