欧倩怡被问郭晋安夫妻相处之道　曾笑言：冇相处之道可言

娱乐圈中的“模范夫妻”郭晋安及欧倩怡昨日（2日）突然爆出二人离婚的消息，二人突然透过社交网发文宣布离婚消息，证实已经分居两年，结束18年的夫妻关系！欧倩怡去年接受01娱乐节目《摸杯底》曾经透露与郭晋安夫妻间的相处模式，以及二人的关系上出现意见上的分歧，更一度表示想为自己而活。

坦言想为自己而活

欧倩怡在节目中大方回应主持人对于与郭晋安在价值观上不相同的问题，她说：“每个人思想上都有独立嘅个体，你匿埋眼离开呢个世界，回顾你嘅人生，你会觉得你会想做，但系错过咗冇做到嘅。”她继续指曾经上过一个课程启发了自己，并表示：“人平均有80岁命，头𠮶60年叫做健康，可以随心所欲做自己想做嘅嘢，之后又可能要孭住包药袋出街叫人照顾你，我现在44岁，我都系得𠮶20年，呢20年系要为咗自己而活，定系为咗人哋而活呢！”

自爆返工冇时间煮饭

欧倩怡被问到是否一手包办家庭上有关于营养的餐单，她表示：“现时唔系我买𩠌同煮饭，因为我要返工八点几先收工冇可能返去煮，郭生有请咗人帮手请咗自己嘅姪女帮手。”至于会否对餐单有意见，她说：“其实我讲过吓，点样啲钙质吸收得好啲，点样食法铁质会吸收得好啲，我讲完之后可能人哋会变样。（郭生定姪女变样？）都会变样。”

真情剖白冇夫妻相处之道

讲到夫妻相处之道，她真情剖白：“冇相处之道可言。”她说：“因为佢嘅经理人公司可能着重于玩抖音，佢哋做嘅嘢我又唔识，我甩咗娱乐圈发生咩事我又唔知，冇睇电视好耐！我唔系好知道佢做乜，佢都唔系好知道我做乜，有好多私隐上嘅问题（病人）又唔讲得，都系少见，我夜返去佢哋都瞓晒！”