COLLAR游台湾遇地震劲惊青　Day日日扫夜市嫌食唔够

COLLAR成员王家晴（Candy）、许轶（Day）、（苏雅琳）Ivy So同乐队Pandora今日出席马场活动，Ivy自认系臭手，为免影响大家，所以打算做“灯神”。问到COLLAR中边个最有财运，Day表示从未试过一齐打麻雀，有机会都想试试。早前Day同Ivy So喺台湾时经历地震，Day表示当时即躺到台底，但由于一直有余震，所以都十分不安。

留喺台湾9日，Ivy So同Day专程去学潜水，仲考埋牌，她解释：“因为我哋出发前3日先买机票，所以好临时，我自己系想去潜水，Day又话要跟，咁就一齐。（有同恒仔食饭？）系，佢咁啱我离开前一日到，所以就一齐食饭。”除咗潜水外，Day每日都行夜市，但由于刚刚结束演唱会，食量未回复水平，所以略嫌食得唔够。