旧爱ToNick恒仔被爆偷食化妆师Kylah　谭杏蓝：唔想追究真定系假

谭杏蓝（小花）自去年宣布跟拍拖10年的ToNick主音赵善恒（恒仔）分手后，专心投入工作，不足两个月便升呢做业主，亦同现任男友Ronald 展开新同居生活。不过早前恒仔于社交平台自爆受抑郁病困扰“争啲想走”，又暗指小花一脚踏两船，事件引来网民关注。其后事件出现大逆转，网传赵善恒才是“派帽者”，早在2021年经已偷搭小花好友兼其化妆师Kylah，谭杏蓝却长期被蒙在鼓里惨成受害者。

谭杏蓝今日（26/4）现身铜锣湾出席明星二手买取店活动，她就事件接受《香港01》访问时表示：“其实我同佢已经再冇联络，加上大家都好忙，我谂系人生嘅路途上，大家都向紧唔同嘅方向已经行紧，咁所以联络就冇，再加上我同前公司已经完咗合约，因为以前我系同佢同一间公司，咁变咗就更加难啲会见到面。（传恋上你好朋友化妆师Kylah？）关于佢哋嘅感情，就交返畀佢哋回应，因为我自己系唔知道太多，咁同埋我冇再去追究呢一件事。化妆师以前系我好朋友嚟，咁同埋佢已经移民咗好多年，同埋佢移民咗咁耐，我哋已经好少联络。（当时有冇追问化妆师事情真假？）因为我又唔想追究真定系假，因为而家我有男朋友，咁所以而家我要着重呢一段感情，变咗我系好少谂返以前嘅事。”