林颖娴推新书密密有新搞作 否认为复出铺路：从来都冇讲过话退出

前“开心少女组”87年港姐季军林颖娴（Wing）息影移民洛杉矶多年，婚后跟美籍丈夫育有三名子女。今日（26/4）Wing现身柴湾为新书“如何活出灿烂人生”新书举行签名会。

Wing接受《香港01》访问时表示：“其实呢本书我筹备咗30年，因为本书嘅内容都系讲我嘅成长过去经历，但真正动笔去写就用咗两个月嘅时间，我好想将呢本书留畀我小朋友、网友同朋友睇。嚟近书展，我老公同小朋友都会趁住暑假嚟到香港支持我。（近来在香港比较活跃，是否为复出铺路？）哈哈，其实我从来都冇讲过话退出㗎，不过家庭就第一，之前小朋友年纪仲细，想我喺佢哋身边，而家佢哋都大个，咁所以而家可以做返自己想做嘅嘢。（无线有冇揾拍剧？）呢啲慢慢安排，呢啲我就未知，但暂时我做啲好想做嘅嘢先，就系做写作，因为我系好钟意写作，之前我写育儿，而呢本系我第二本书，就写关于我自己嘅，当中内容好有养份，系一本天书嚟。”