周奕玮得奖后再宣布喜讯　赴日做包租公︰啲Yen真系好平

近年获无线力捧做金牌司仪，40岁的Jarvis周奕玮，去年在台庆颁奖礼“单拖”上阵，表现淡定获得网民一致赞好，虽然在颁奖礼前，Jarvis由经理人合约转至艺员合约，但无阻入行十八年首夺“最佳男主持”。近日再有好消息，宣布多一个身份做业主啦﹗

2024年对Jarvis应该是相当重要的一年，除了得奖更首次荣升业主﹗4月26日早上他兴奋宣布：“分享一个重大决定，各位，我做业主喇！我喺大阪做业主喇🎌！！”被封为日本通的Jarvis，首次置业亦选在日本：“老实讲，我都俾自己呢个举动吓咗一跳，因为今次系我人生第一次买楼，仲要唔算谂咗好耐，就落呢个决定。不过有时就系咁，天时地利人和要来就来。再加上......今时啲Yen真系好平，而家买真系抵好多。(所以应该叫“金时地利人和”、或者“打铁趁热”。)”

Jarvis购入位于大阪西区一带、大正駅附近物业，他特别鸣谢方健仪教路：“以前有谂过，如果第时有钱喺日本买楼，我肯定拣咗东京先，因为话晒东京系我生活过嘅城市，系有种私心嘅。但Amous 教识我买大阪楼最大优势系投资做民宿，呢样嘢系我从来无谂过嘅，令我多咗个投资嘅眼光睇本身熟悉嘅日本。以前我只系会用工作／旅行嘅角度睇呢个地方，对金钱嘅谂法亦比较保守，净系会谂住做住同一件事，努力做嘢储钱。但今次，算系跳出呢个固有谂法，做演艺工作嘅同时，都学吓揾啲被动收入。话时话，无谂过连投资置业呢方面，自己嘅选择都系同日本有关😆”