39岁性感女神眼湿湿自爆被骗经历：点解呢个世界有咁多坏人

邓洢玲（阿蛋）日前（24/04）在Instagram开Live，当大家以为她要分享扮靓式衣着心得时，原来她是因为遭遇电话诈骗而开直播分享。直播开始时，她就眼泛泪光，说道：“点解呢个世界有咁多坏人呢？”

邓洢玲（阿蛋）续说：“不过呢个市道系比较多人偷呃拐骗，今次分享都系畀大家打个底，希望大家都唔好中招。”有网民问蛋“有冇事”，她就回答：“冇俾人呃啲乜，纯粹分享吓经历。”

她表示，这一次电话诈骗与以往大家知道的方法相比，完全是一个新方法，实在令人防不胜防，对做生意的人来说更是危险。她分享道：“有一个人cold-call嚟按摩店，话想揾负责人。话嚟紧想做一个包场活动，连续包两日，话有32个人上嚟按摩。”其后她着职员whatsapp这名“客人”但没收到回复，相隔了一会，这名“客人”就回电，表示转了电话号码，要负责人致电他另一个电话。阿蛋表示，之后就很快收到了whatsapp电话来电。

阿蛋说：“所有嘢都非常正路，佢声称自己系一间护老院嘅负责人，系一个男人，讲广东话但系口音唔正。”阿蛋也表示，知道是护老院之后，她就表示可以上门按摩，不过就被拒绝。她说：“佢哋坚持，系坚持，话希望带老人家出去走吓，晒吓太阳，按吓摩。”阿蛋表示，倾谈了非常多细节，也觉得对方“好正规”，没什么问题。

不过商谈中就出现了一个陷阱位。阿蛋说：“中间就有一个位，对方话：‘你记得畀多啲discount我㖞，因为呢件事都系我处理。我一路都会揾你。’𠮶晚我都冇乜为意，因为同紧朋友食饭，佢就好急咁追我开Invoice畀佢，其实佢系催我畀Invoice，好奇怪。”

之后阿蛋也如约给了对方Invoice，第二日星期二早上，她就收到对方连续几个whatsapp call，表示下午会转钱到户落订。阿蛋说：“临收线之前佢就讲：‘邓小姐你会唔会识得有人买电动轮椅？因为听日有人嚟巡查，需要25部指定牌子指定型号。”阿蛋表示问过朋友后，也找不到，其后她又再收到对方电话，表示希望邓洢玲阿蛋帮他们在某店舖购买电动轮椅。阿蛋说：“佢话因为自己同个老板有拗撬，所以对方唔肯卖畀佢。去到呢度，我都觉得咁奇怪嘅。我未见过你，又唔系咁熟，点解要帮你买？我就打去问，问吓几钱有冇现货，再转介返畀佢哋。”

戏肉到了！阿蛋说：“中间就嚟啦，有贪念真系要小心！佢点样呃我呢？佢畀咗个contact我，我就问佢有冇现货，佢哋又好快覆我㖞。正常深圳公司唔会咁快，同埋佢哋唔会用whatsapp。”阿蛋表示，对方希望与新客户有合作关系，所以会给予一个批发价，又指只需要先付一半订金。阿蛋说：“我奇怪，点解所有嘢都咁顺，佢又系用whatsapp打电话畀我，同埋正常佢系用wechat。最古怪系咩？佢系一部轮椅主动平二千蚊畀我！即系话25张轮椅，每张二千，就系五万。如果你有贪念帮人做呢个trade，你就可以赚到五万蚊呢，你就太天真啦！”

这时候，邓洢玲阿蛋就觉得奇怪，当日就上网查证这间护老院，再打电话去问。阿蛋说：“我问有冇个林生，佢哋话冇。我再问多句：“你哋礼拜四五有冇一个活动系带老友记出去？’佢哋就话：‘冇㖞！真系冇㖞！’咁我就知道系一个电话诈骗。然后声称系护老院个人，就传咗张receipt，写住乜乜乜护老院转咗25万，就话买轮椅嘅钱，就话：‘我转咗钱，你快啲帮我订轮椅啦！’另一边卖轮椅嘅又话：‘一点我有车落香港，你一定要入钱畀我。我先赶得切畀货你。’我睇返e-banking，佢真系入咗25万落我户口！”不过，阿蛋也表示，她发现这笔“25万”是经支票入帐的，即是说明天才能收钱。

邓洢玲阿蛋也表示，那一刻已经知道是骗案，就拒绝了替其付款。她说：“跟住另一边就话：‘唔紧要，我过住关先，你求其过住几万蚊畀我先啦！’即系用到求其过住几万蚊，呃我廿几万变十几万，然后到几万蚊都杀，咁我梗系冇理佢啦。”阿蛋表示，最后也没有再联络，甚至也打电话去银行报备。