铁板神算董慕节仙逝　黄玉郎：如果我听晒佢话，唔止而家嘅成就

八九十年代红极一时的命理大师“铁板神算”董慕节逝世，享寿101岁。原名沈均辉的董慕节，1959年到港，曾为不少名人批命，包括黄沾、倪匡等，黄沾更曾指命书字字准确。除此之外，香港漫画界教父黄玉郎亦是他的座上客，提起“铁板神算”董慕节，黄玉郎直言：“神仙一样！”

黄玉郎接受《香港01》访问时，表示与董慕节老先生早在40年前，即是在他30岁左右就已经认识。他说：“我哋叫佢董伯伯嘅，系帮我打工嘅人介绍认识。𠮶时我对命理好有兴趣，听到可以揾佢算就梗系去啦！佢当年已经有好多人揾佢，佢为人好低调，唔系揾上门就会帮你数，而系要人客、熟人介绍。𠮶时排期一两月就见到，到后来就要成年先得。”

提起董慕节老先生的功力，黄玉郎形容他是“神仙一样”，说道：“如果我听晒佢话，唔止而家嘅成就添。举个例子，佢打算盘，佢台面有几十本书，每本有一千句，佢𠮶时打咗十几分钟一路都唔啱，直到有一句话系我出世迟咗成个月。因为我系内地出世，打返畀阿妈问，阿妈先话我真系迟咗一个月。第二句开始就讲阿爸阿妈咩生肖，兄弟亲人又系咩生肖。22岁结婚，所有嘢全中，连我会断六亲都好准。”

黄玉郎表示，自始之后他就与“董伯伯”创建了深厚友谊，他也会不时拜访董慕节老先生。他说：“董伯伯仲有一样好叻，就系算流年，即系每年年尾算明年运程。”记者问道有否每年都揾董慕节老先生算一算，黄玉郎就坦言：“呢个必须啦。”

谈到另一件董慕节老先生令黄玉郎感叹折服的事，就要数当年黄玉郎公司上市的事。他表示，未上市之前曾揾董慕节老先生批算，他说：“86年 30几岁，公司搞上市问佢得唔得。佢批咗‘熙熙攘攘万户共’，即系意思上市好热闹。结果，当年公司上市都系二，三千人申请，我𠮶个真系有一万人申请。佢非常准确，神仙一样！多谢佢提醒晚辈，只不过佢叫我唔好去做，我就偏去做。”

董慕节老先生被称为一代命理大师“铁板神算”，但他的为人却十分低调。谈到他的为人，黄玉郎就说：“佢为人好随和，好似个儒者一样，好有文化修养，好慈祥，好似尊佛咁，光头又肥肥哋。”对于董慕节老先生的仙逝，黄玉郎说：“怀念佢，福寿双全，同埋我永远都会好感谢佢咁多年嘅指点。”