爱回家｜林淑敏亲口证实郑世豪离巢：以我所知佢系约满

继苏韵姿宣布离巢无线之后，有传同样在TVB处境剧《爱·回家之开心速递》饰演“细龙生”龙力士郑世豪，因谈不拢价钱而决定离巢。今日（22/4）《爱回家》于电视城举行宣传活动，郑世豪未见出席，令巢离传闻甚嚣尘上。

经常在剧中与郑世豪有不少对手戏的“大小姐”林淑敏就事件接受《香港01》访问时表示：“以我所知，佢系约满嘅。但系我自己就觉得而家唔同以前，因为大家喺出面会有好多唔同嘅发展，可以每一样嘢都可以试吓，未必唔系唔好嘅一件事。可能大家喺呢一个工作关系上，未必系两姐弟，而呢个拍档同感情系一世，我知佢有好多登台，因为佢唱歌真系好叻，如果佢去登台，又可以带埋我去就最好。（佢走嘅时候咁低调，你哋系唔知？）我觉得要留返界佢，要尊重返佢，呢个系佢嘅选择，系佢嘅谂法，因为佢系有设计。（佢走时开唔开心？）开心呀，佢冇嘢。（之前见佢出席活动，佢自己坐埋一边，成班演员冇理佢？）其实佢个性格比较爱静，而我宣传嘅时候，都唔爱走围走𠮶啲，我都系静，而我就觉得冇特别，但我就想佢多啲去登台，我都会去做粉丝去支持佢。（佢约满前有冇问你意见？）老实讲我自己都好忙，假如自己遇到工作嘅问题，我都会选择自己去面对。”