陈柏宇同强尼闹市派米筹款　Jason想带女女出席但要过老婆𠮶关

极端天气带来的影响愈来愈贴身，去年夏季接连发生的暴雨反映香港亦响起了警号，艺人强尼与歌手陈柏宇（Jason）周六（20日）出席大型筹款活动，连同香港羽毛球运动员谢影雪及邓俊文一同在湾仔利东街一起义卖，呼吁市民关注极端天气带来的影响，尤其是受灾的贫困小农，透过捐款，长远帮助他们脱贫自立。

对于极端天气，强尼表示，去年8、9月接连暴雨和打风，令他最感同身受，其家居住在新界村屋顶楼，邻居屋顶的太阳能板被大风吹走，险些吹烂其家的玻璃窗，他随即疏散其老婆和儿子，到家中较安全的地方，虽然自己害怕，但仍要在窗边目击屋外情况，形容过情险象环生，相信一辈子也不会忘记，而儿子亦上了一课，相信会对极端天气有更深刻的体会，而其就读中学的儿子，通识课也有教授相关知识，对此有深入了解。他续指，去年8、9月拍剧时，亦亲身经历极端天气带来的炎夏，穿着厚衣拍摄《弊家伙！我要去祓魔》，剧中各人亦十分辛苦，而去年的黑雨亦险些影响《反起跑线大联盟2》的拍摄进度，若黑雨杀到，其剧中女儿便无法完成拍摄、无法赶回英国开学，直言过程惊险。

Jason则指，早前开线上音乐会时，采排和音乐会当日遇上十号风球，但幸好无现场观众，可以如期on show，但仍感受到极端天气的影响。他又指，希望慢慢向女儿灌输人类行为会影响大自然的道理。Jason被问到有没有想过带女儿一同义卖？Jason即透露本身想带女儿到现场一起义卖：“差啲带埋嚟㗎喇，因为佢礼拜六本身有兴趣班，跳舞、弹琴𠮶啲要学嘅，我以为今朝系cancel咗跳舞，我都谂住带埋佢嚟，点知原来唔系cancel，点知就冇带佢嚟。”

Jason续说:“你估唔到佢有几多呢啲兴趣班，有阵时我都觉得兴趣班归兴趣班，但系有阵时有啲有意义嘅活动系可以关注多啲嘅时候，真系带佢地去，但首先都要过咗妈妈𠮶关先啦，系咪先。（妈妈系把关者？）冇错！”因为女儿要上兴趣班，所以无法出席，但强调有意义的活动应多加关注，若得到老婆这个把关者同意，便会考虑带女儿参加更多类似活动。

强尼则被问到平常有没有跟儿子说到气候暖化的问题？强尼说：“我好记得啱啱同佢温习考试嘅时候，Liberal Studies真系咁啱佢而家呢个年纪系读紧极端天气，咁所以喺温书嘅时候，我发现佢系好熟，即系佢上堂都真系有留心听，所以佢都对点应付极端天气，譬如世界上有咩组织帮地球做紧乜嘢，佢地都好清楚，清楚过我！尤其啱啱你提到刚刚𠮶个8、9月，大家系亲眼目睹，我自己住村（屋）嘅，好多太阳能板真系吹咗出嚟，因为我装嘅时候，冇谂过佢咁极端，系我地屋企都feel到𠮶种惊险，所以对于小朋友嚟讲，亲眼睇就最好喇，咩叫极端呢，直头去到咁嘅，啲板会飞出嚟，有机会撞埋屋企，我谂佢印象就深刻喇。”

（气候愈来愈差，点样令女女关注气候暖化问题？）Jason：“我谂个谂法未必一定系直接就跳到去极端气候嘅问题系乜嘢，然后我地点样去解决，我谂系critical thinking少少，其实系action leads to consequences，当然good action leads to good consequences，bad action leads to bad consequences，究竟我地今时今日做紧嘅行为，系带紧畀我地乜嘢影响呢？如果佢有呢个concept，我相信佢对做好多嘢都可以有多啲好嘅谂法，多啲好嘅方法，同埋识得自己去谂解决方法，rather than你畀个答案佢，然后要佢work backwards啰，所以某程度上，间接地要教佢，人类嘅行为系会影响极端天气，首先就系佢唔好嘅行为系会影响到爸爸会罚佢，细细步、细细步咁样。”

（极端天气如何影响你地的工作？）强尼：“啱啱𠮶个8、9月对我嚟讲，影响系比较多，𠮶阵时我拍紧剧，剧好多都系街外，𠮶阵拍第一套剧就叫《反起跑线联盟2》，有好多小朋友，饰演我个女个小朋友，其实佢专登喺英国返嚟拍，所以佢8月30就一定要走返去开学，如果𠮶段时间，成日都黑雨、八号风球，如果佢停咗两日，我地系唔知点算好，因为系冇buffer，𠮶几日我地都比较紧张，好彩最差𠮶几日就冇佢戏份。咁啱𠮶段时间，我除咗拍剧，仲准备紧套音乐剧，咁已经倒数……死喇，排一日少一日，真系𠮶几日撞正冇得排，同埋入台都少咗一日，𠮶次嚟讲，我地系几担心嘅，好惊险。”

Jason：“都系啲好彩嘢嚟！我记得有一次，我系做online嘅音乐会，本身就已经系冇观众，但成件事系livestream，跟住show day同之前一日系打十号风，但因为我地系做冇观众嘅嘢，但我地可以照进行，我地喺室内做，好彩我工作系flexible啲，冇拍剧嘅schedule咁heavy，同埋绝大部分嘅嘢都系室内做，系好彩啲。”