邵音音大埔寓所被爆窃心有余悸 惨呻冇工开：可唔可以唔好偷我哋
撰文： 吴子生
出版：更新：
邵音音（音音姐）今晚（20/4）现身铜锣湾出席电影首映礼。提到早前其大埔村屋遭贼人爆窃，损失财物，音音姐在接受《香港01》访问时心有余悸：“事情发生咗之后，每日提心吊胆，晚晚瞓唔着，每晚都惊，所以咩叫做吓死呢，就好似自己吓自己咁。讲真呀，我同余慕莲好睇唔好食，名就鬼咁大，工又冇得开，唔好偷我哋啲嘢，我又冇工开，又冇收入，想申请公屋又唔够条件，高尚住宅区我就只可以经过同埋睇吓啫，可唔可以唔好偷我哋呀。”
对于今日有传时装设计师文丽贤离世消息，音音姐表示：“以前大家都系名人，而且佢系模特儿界系国际级，而我因为喺香港拍咗好多邵氏嘅戏，有时会出席一啲派对而认识见过面，佢真系好靓，希望佢一路好走。”