仙乐飘飘｜“老板仔”黄梓乐金像庆功赶功课 与子华神对话超兴奋
撰文： 邝钰莹
出版：更新：
“老板仔”黄梓乐日前出席金像奖，由于未做晒功课，所以喺庆功宴上继续努力，并且获得尔冬升、小野、陈苡臻（ Jessica）等人帮手，被网民喻为“星级补习班”。老板仔今晚（18日）现身音乐剧《仙乐飘飘处处闻》时，提到呢个星级补习班，他说：“Miss Chan（陈苡臻）之前好似系中文补习老师，佢有教我少少。尔冬升主席笑我咁夜做功课，有话小演员就系咁要一边拍戏一边读书，佢无教，望住我笑，仲话之后有戏会揾我。”
老板仔表示未有曾失奖而不快，而最令佢开心系可以同子华神合照。“佢话有睇《年少日记》，话我令到佢喊。好开心，子华神有睇到我啲戏，想同佢合作喜剧。”