梁小冰陈嘉辉隔23年再合作拍剧　维系夫妻恩爱全靠男方每日讲呢句

热播中的无线剧《逆天奇案2》，昨晚（17日）一集剧情峰回路转，历尽不幸的阿兰（梁小冰饰）最终接受徐仁达（陈嘉辉饰）追求谱黄昏恋。原来仁达以前正是阿兰亲哥哥帮派中的小混混，足足暗恋了阿兰30多年，直到今时今日重遇阿兰终鼓起勇气起表白。原以为阿兰终可找到幸福，可惜仁达偏偏在此时无辜卷入一单藏枪案，更遭受警方扣查。担心得六神无主的阿兰向曾愧对自己的莫Sir（李国麟饰）求助，莫Sir在公在私决定动用O记接手案件，可惜依然未能寻获对仁达有利证据，阿兰最终竟决定牺牲自己帮仁达顶罪…..

相隔26年再亮相TVB剧集的梁小冰，昨晚一集与真老公陈嘉辉相隔23年再合作，今次更是两人第4度演一对！讲到与老公嘉辉哥再度合作，小冰笑言两人默契依旧，并笑言全靠有嘉辉哥做拍档：“我哋会喺屋企对好晒啲对白，但唔会排戏，因为到现场先演会撞到个火花出嚟。我好多谢佢，佢系睇住你嘅情绪再去交对白，例如会睇住你啲眼泪流晒落嚟，佢先去下一Part（对白），冇一个拍档系可以事隔咁多年个默契都仲可以喺度。”

小冰又大赞老公专业：“佢好有纪律，唔止准时仲会早到，所有对白都记到滚瓜烂熟，同埋佢系一个好好先生，唔钟意同人闹交，同所有人都交流得好好。”小冰笑谓与嘉辉哥合作过的女演员都有赞冇弹：“好似钟嘉欣、苏玉华、陈滢、反骨琪（蒋家旻）佢哋见到我，都会话你老公好正，真系一个好好嘅对手，我真系觉得好幸福。”

嘉辉哥在剧中是一位痴心情长剑、对阿兰呵护备至，现实中嘉辉哥亦同样是绝世好男人加爱妻号，小冰受访时开心分享嘉辉哥每日“冧猪语录”：“我老公好玩得，每日起身都会话：‘你好靓㖞’，结婚20几年都系咁，讲嘢好甜，就算我卷到个头好似包租婆咁，佢都话：‘点解可以咁靓’。”

小冰坦言两人亦有闹交时，但嘉辉哥仅以一招便能成功收服老婆，小冰透露：“我性格系一有问题就会blablabla讲晒出嚟，佢就叫我慢慢讲、唔好嬲，同埋叫我可以选择用另一种方式（表达），例如喺最嬲时唔好讲嘢，写出嚟。以前我就写晒喺张纸上，写完几千字都已经唔嬲啦，依家就转用WhatsApp。”小冰笑谓两人结婚多年，现在已经是无声胜有声：“依家唔使讲嘢都知大家谂咩㗎喇，唔使咁多说话同沟通，呢个就系默契！”

讲到剧中差不多由头喊到落尾，小冰说：“差唔多全部一Take过，最主要系入片场时已经进入个情绪，一个演员必须具备嘅技能就系共情，咁样你先可以代入到个角色，有好多嘢你冇可能现实生活上经历到，做演员好玩就系呢啲啰！”昨晚一集尾声，客串演出记者的邹凯光为一单枪击案提供了新线索，令黄智贤饰演的Nic Sir成功找到还嘉辉哥清白的关键证据？密切留意今晚播出一集《逆天奇案2》。