汤盈盈拍《阿旺新传》扮丑丑到后悔　试过醉后疯狂咀人中甲型流感

由麦美恩（Mayanne）担任主持的清谈节目《Mayanne小喇叭》，今晚（12日）一集，Mayanne邀来周家怡、汤盈盈担任嘉宾齐齐大谈女人经。家怡和盈盈演艺生涯皆牺牲过靓样，更是她们的代表作之一，分别是家怡在《火舞黄沙》饰演兔唇女小琴，和盈盈在《阿旺新传》饰演李笑好，盈盈说：“呢个角色好深刻，记得𠮶阵时监制黄伟声同我讲要做呢个角色，我有好多Idea，我话唔洗头、堂眉唔抆、到时再畀个假牙我。真系试造型时，哗，真系好丑样，好后悔呀。”家怡则自爆戴牙套扮兔唇搞到牙都崩，并透露为了代入角色长期戴住牙套：“我连出街都戴住，我试过去便利店买嘢畀人影到！”

Mayanne、家怡和盈盈同样是玩得之人，Mayanne大爆曾目击盈盈醉后四围咀人，盈盈对此笑言：“𠮶次之后中咗甲型流感，好似祥仔（阮兆祥）个女朋友畀我搞掂咗，我唔敢讲番畀佢知！”Mayanne自揭有一次跟奖门人曾志伟去澳门做倒数，事后派对甫开始不久便醉到不省人事，她说：“唔够半个钟，已经开始呕，睇啲嘢好模糊 ，发现呕咗喺一个人手上，佢就系奖门人！”同样玩到尽的家怡则自爆有一次跟奖门人到马来西亚拍节目，在行程最后一天尽情狂欢，她笑言一边呕一边和奖门人猜枚：“结果系断晒片，喺飞机上先醒番，醒番已经开始降落香港！”

讲到感情方面，37岁的Mayanne透露被阿妈疯狂催婚，身为单身贵族的家怡笑言：“你会经过㗎喇，因为佢哋会担心你老咗冇人照顾你。”家怡更向Mayanne传授秘笈，如何以一招应对长辈催婚！盈盈则大爆当年未婚怀孕时，钱嘉乐曾打电话向奖门人“求助”，盈盈指奖门人当时的反应非常搞笑，并以7个字作回应！讲到生儿育女问题，事业正值上升的Mayanne坦言现在未知是否最好Timing，盈盈提议她可以雪卵，Mayanne指除了身体上要配合，亦要具备一定财力，皆因雪一次卵要差不多8至10万元不等，她大叹：“事业上要好成功，先有能力去养呢啲卵子！”