廖碧儿爆多追求者 约会食饭要执到靓：唔可以求其

廖碧儿（Bernice）今日（11/4）现身湾仔会展出席“全港厨师精英大汇演”记者招待会。Bernice受访时表示：“今日好开心能够同啲小朋友一齐整蛋糕，因为佢可以畀到好多灵感畀大人，佢哋系好无限可能嘅创作，反而我要喺佢哋身上攞灵感。本身我真系好钟意小朋友，变咗我都有帮咗唔同嘅机构，之前助养咗5位小朋友，由3岁至5岁都有，每年大家都有书信来回，见到佢哋已经长大成人，喺个机构都工作。”

被问到有否想过雪卵？Bernice笑言：“其实我都成日都会见到呢啲资讯，咁对于一位女性嚟讲，都只系帮你延长个时间，而我就冇压力话想要小朋友，亦唔想同一个唔啱嘅人而一齐，咁所以呢样嘢要啱先的。讲真自己系钟意小朋友嘅，但我就觉得呢啲就顺其自然，同埋我帮到其他小朋友我已经好开心。（感情生活如何？）而家定咗喺一个地方，我可以谂吓。而家同朋友约出街食饭都要执靓啲，唔可以求其，因为我啲朋友好蛊惑，佢哋会介绍啲新朋友我识。（好多追求者？）哈哈，开心啰，有人追系应该嘅，Ok拜拜。”