麦玲玲师傅难忘登娱乐版被指“倒奶买鞋”：唔通只脚摆喺个头咩

堪舆学家麦玲玲主持的清谈节目《玲玲友情报》，昨晚（10日）一集主题为“主播唔系咁易做”，嘉宾为第一代“天气女神”黄婉曼（Icy），当年她报道天气时凭活泼跳脱的名句“我哋一齐跳出香港”，顿时成为万千宅男的女神。她跟老公的邂逅始于马场，过程非常浪漫。婚后她饲养的一匹马，以“跳出香港”命名，先后赢过不少奖金及荣誉。

Icy在节目中自爆当年做天气主播时的秘闻，因为表现较跳脱，又要讲自家名句“我哋一齐跳出香港”，所以好多时都是赤脚上阵录影，她笑说︰“公司提供嘅高踭鞋太高，所以我会除鞋报天气，方便行嚟行去。同埋显示世界各地天气嘅布告板，其实只有观众睇到，我哋系要估个位置，边度系北京、边度系香港。”讲到跟老公冯柏基的邂逅始于马场，Icy相信是“命中注定”，她甜蜜表示︰“同老公都系马场识，都相信缘份。系马场唔同场合下碰到三次，当时觉得真系有缘。同埋自己钟意少少肥，肥肥哋几得意，同老公系由有好感开始。”

传播学系出身的Icy，任幕前时不时要跟记者打交道，入行时有友人忠告不可以同记者做朋友，但她并不同意︰“艺人同记者关系唇齿相依，到而家我都有啲识咗超过10年嘅记者朋友。”玲玲师傅亦表示认同，部份记者都会讲义气︰“当然好似你咁讲，做咗啲好坏嘅事，真系好难帮你写好。但有时要帮手要宣传，都会无所谓，重点系你对人要真诚，大家先做到朋友。”她笑言5段新闻有3段写好，已经当赢，不要太介意报章的报道手法。玲玲师傅直言歌功颂德的娱乐新闻没有收视，多年前一篇报道却令她印象深刻︰“好记得有次出去买鞋，紧系弯低身试鞋，点知后来段新闻标题系‘麦玲玲倒奶买鞋’。”事后她致电报馆相熟记者，笑笑口问︰“点呀，唔通只脚摆喺个头咩。其实又无乜伤害性，松容啲一笑置之。其实大家咁努力，都系想人写你啫，今日新闻，听日就唔记得咗啦，唔使太认真，娱乐圈就系咁。”