70岁巨肺女歌手亲解不退休原因 10字回应网民劲有霸气
撰文: 崔力生
出版:更新:
在娱乐圈已打滚快40年的肥妈 (Maria Cordero),到了现时70岁仍非常非常活跃,除了唱得、演得、煮得外,近年仲愈来愈Talk得,不但担任歌唱比赛评判,一向关心圈内大小事的她,更紧贴潮流经常透过社交平台分享自己的睇法,其敢怒敢言风格深受网民追看。
肥妈育有6名子女,17个孙,连曾孙都有2个,而且生活无忧,大可过着优哉游哉的退休生活享受人生,闲时弄孙作乐,但她却选择继续工作。肥妈近日就拍片亲自回应了“很多人说阿妈怎么还在工作不退休享清福呀?”这个问题。
片中肥妈边化妆边说地说:“我唔系做紧嘢,其实我系好享受!你明唔明白啫?我又唔系要揾饭食。但我同啲年轻人一齐,好似而家拍抖音咁,我唔想同社会脱节,我唔想做一个老人家坐喺度(发呆咩都唔识),我唔想成为𠮶种老人家。”
肥妈愈讲愈眉飞色舞,她直言每到世界一个地方登台,都会见到各种不同的人,是“几鬼Enjoy”:“好坦白,我咁多个仔女住唔同嘅地方,佢哋得唔得每日陪住我倾偈呀?唔得架嘛!但我唔同㖞,我每日做嘢同唔同嘅人倾偈,我去唱歌也识到唔同嘅新朋友。今日去美国𠮶度食饭,听日去马来西亚𠮶度食饭,后日去新加坡𠮶度食饭,你每次都学到嘢㗎嘛。”
肥妈续言:“你哋唔会明白,你哋用你哋嘅眼光去睇老人家,睇到我行程由朝到晚密麻麻,我做唔到我就唔做㗎啦!你哋知唔知我最恶系咩呀?(直接讲)我唔捞了!”果然霸气十足。
+21
肥妈这个心态获不少网民认同和称赞:“活到老学到老,呢种心态真系好jeng”、“好正啊肥妈!我想同你倾偈”、“肥妈系young people”、“喜欢肥妈的乐观性格”、“肥妈好野”、“够底气的感觉,棒棒哒”。