打天下2专访｜谈善言受伤后愧对庄惠 骆振伟与AK MMA似拍床戏
谈善言说《打天下2》嘅庄惠仍然固执、好胜且目标清晰，当初得知要拍续集时，第一个谂法是“一季度其实已经好完满”，所以十分好奇今集故事会如何发展。“会比较期待对日本演员武田梨奈，因为佢真系空手道“黑带”二段，怕水平差太远。不过可能佢都好体谅我受伤，所以都有留手，不过又咁讲，实力差距都唔紧要，因为故事赋予我地位。”
《打天下2》开拍个多月，谈善言为一场群殴戏，排练了两个多小时，结果正式拍摄第一take时，一个转身起跳动作导致左膝韧带断裂，由休养到复工长达8个多月时间。“𠮶场戏系打算一shot到场，仲封晒街，结果我第一Take就伤，好在彩排时都有take shot。AK当时见到我跳得唔系好高，应该要再嚟过，点知我下秒已跌落地。跌𠮶下系好清晰感觉，时间停顿一样，落地𠮶下以为撞鬼咁，Feel到有棒球棍撬开一样。”
阿谈说接拍《打天下2》前一直无停过，直到“躺平”的日子，终于有时间反思人生，能让身理与心理得以好好restart，算是不幸中的一点小确幸。复工后，动作戏被改动，阿谈亦坦言见过鬼怕黑，会不自觉留力。“我唔开心在唔可以用最好状态做呢件事，系对唔住庄惠。”
骆振伟（Thor）拍完《绳角》后，再接《打天下2》，剧中饰演一位热爱MMA嘅富二代。同样都系打，但玩法不一样，拍摄前上过两堂MMA，尽力呈现最真实的画面。“好多动作唔系想学但喺短时间学到，武指、MMA顾问有尽度一啲唔太危险但睇落好刺激嘅画面。睇playback时都谂唔返点做出嚟，好似上身咁。”
Thro在剧中主要嘅MMA对手系AK（江爗生），由于体形上嘅差距，所以一直担心会弄伤对方，不过无论是lock人抑或解锁，最终都系一身大汗。“同激烈床戏系无分别，只不过由两个着短裤嘅男士进行同好多人围观。”接连两部作品都要打，但Thor表示没有刻意要走动作路线，但他认为无论文戏或打戏，付出同样的多，但无可否认动作场面会比较实在。
Outfit：MAX&Co.（谈善言）、
Hair：Larry Ho @ Aveda IL COLPO（谈善言）
Make up：German Cheung（谈善言）
Wardrobe：MELSIGN、432hz（骆振伟）