【任噏乱评‧港姐2017】边71个被筛走？呢三个最值得复活

今日港姐第二轮复试，得返61个候选者，仲要有一个系空降加入，即是第一轮面试131个，有71个被淘汰，有人欢喜有人愁。上次乱评过（传送门：https://zh.hk01.com/article/99506）会入三甲的Elsie Chan、Nicole Wu同埋Kelly Ng都成功入围，至于12强入面竟然有三个入唔面第二围，分别系Lily So，屈丽丽同埋Ashley，争佢三个我就可以全中喇，真系唔抵！其实唔只佢三个，比较完入选咗嘅60位候选者，当中有几个我认为都系有实力入围，不过而家就先睇一睇究竟有边71个被人叮走先喇！

排名不分先后，呢一组最值得留低系Shani Cheung同Linda Wong。

第二组，最值得留低有Lily So,Melody,屈丽丽,Gloria,Ashley，有成5个咁多。

第三组就少啲，只有黎颖珊,Winnie Mak比较值得留低。

至于第四组。。。评审完全正确！

去到最后一组开始有点看不下去。

虽然香港小姐被叮走咗就唔会有得复活，不过大家都可以幻想一下，如果有复活战，边个可以成功复活呢？当系帮一众落选佳丽加油，下年再嚟过啰。首选嘅当然系Lily So，屈丽丽同埋Ashley喇，Lily样子清纯，讲样貌应该好过唔少入选佳丽，真系唔明点解会俾人Foul，不过港姐选嘅除了外貌仲要睇其他嘢嘅，可能佢口才唔好又或者无乜才艺喇。第二个屈丽丽，喺纽约返嚟嘅护士，英文应该唔差，虽然样唔算系十分靓，不过都好过唔少入选者，出局又系一个谜。至于Ashley，其实都唔系第一次参加港姐，2015年曾经被人称为“翻版黄榕”，选美经验应该不用怀疑，样子外型亦都唔差，今次俾人Foul出嚟可能都唔会再参加喇，唔通真系三顾草庐咩。其实除咗呢三个，Shain Cheung，Linda Wong，Melody，黎颖珊，Winnie Mak，这些都是漏网之鱼，只有看回入选的佳丽，你就明白喇，至于我曾经估计的三甲人选，我是不会动摇，一定系，除非唔系。。。。。