独家｜翟威廉亲证跟TVB完约　自由身接Job兼做生意：换个合作方式

翟威廉参与《2010年香港先生选举》，以大热姿态成为“八料冠军”后正式加入TVB，虽然经常获安排扮演“渣男”角色，亦未有担正，但他就表示不介意。近日热播的剧集《逆天奇案2》中他都有份演出，不过《01娱乐》收到消息指，翟威廉近日已低调跟无线完约，他亦向记者证实，上月底39岁生日当天，正式与TVB结束13年宾主关系，双方换个方式合作。

翟威廉指自己近日太忙，亦失去了玩IG的热情，所以一直未正式公布离巢消息，讲到离开的原因，他否认与工作机会有关，并帮旧公司讲好话说：“其实公司都畀好多机会我，唔系太关事，本身我冇乜特别怨言，有啱又唔啱，每间公司都有。”他续说现时不是与TVB完全断绝，始终这个行头很窄，将来做外判剧或其他节目，也可能会接到TVB的工作，“TVB某程度上做咗咁多年，换过合作方式，唔再做员工，但系因为我哋每年都要喺𠮶度搞Band show，同埋邵氏𠮶啲剧我都仲系拍紧嘅，Keep住有做，只系自由啲可以周围去唔同地方拍。”

问到倾约时对方有冇开出条件挽留，翟威廉就认为：“续约最紧要睇返工作模式，而家有好多嘢我都已经自己做，自己出去接 Show，出面有脉络同经理人，冇所谓嘅，迟早嘅事，两边我都冇所谓，我谂对佢嚟讲都冇乜所谓，留又得去又得，大家都倾完都觉得，不如各自做，大家好做啲。”

他表示还有好几套剧未出街，包括王心慰监制的《异空感应》、《非份之罪》；林志华监制的《非常检控观》等，目前他仍在拍摄《执法者们》，相信将来都有机会再与旧同事合作，“始终香港艺能界咁细，某程度好多制作都有关系，就算我哋喺出面接Job，都成日撞到啲Friend，话晒做咗10几年。”

由参选《香港先生》至今都13、14年，讲到离开TVB的感受，他坦言感触：“我都差唔多做咗13年，好多识得嘅人，见到好多变迁，我身边好多朋友都系TVB，都有Keep住联络呀，玩呀，始终香港而家都好难做，不论系艺能界，好多界别都好难做，睇吓大家点样谋求个更好嘅模式，要生存落去或者点样制作，或者点样有更多好嘅机遇。”他觉得返内地工作都是好机遇，而本土节目亦可以有其他发展空间，需要慢慢研究。

翟威廉本身都有接不同的司仪工作，曾在日本留学的他，近年忙于打理日本清酒的生意，早前更获日本大町市委任为首位外籍观光大使，讲到未来的幕前、幕后发展动向，他表示外头工作都多，又谓：“咩都有，本身我自己都已经做紧生意，搞清酒，日本生意多多，日本艺能界嘅工作都有，有喺出面接下Band show，亦都有做开经理人嘅揾返我。你知我不嬲都冇乜所谓，倾得啱嘅，逐个project咁计都得。”