刘松仁大方回应中风传闻：有啲报道话我死咗㖭

由刘松仁担任艺术总监、黄俊达执导、王梓轩及陈洁仪主演的音乐剧《利玛宾》相隔四载，将于4至28日假香港文化中心大剧院三度重演！今日（8日）剧目主创人员刘松仁、黄俊达及王梓轩假尖沙咀举行盛大记者招待会。

对于不时有传他身体状况欠佳，疑似中风口齿不清消息，刘松仁就事件接受《香港01》访问时表示：“其实自己都做咗几十年，吓吓要理呢嘅咁嘅报道我咪好唔得闲，明白大家揾碗饭食，你有你嘅岗位，我有我嘅岗位，你有你做，我有我做冇乜所谓，如果到而家仲计较，就叫做活得不明白。我知有啲报道话我死咗㖭。不过我知身边嘅朋友就会知啲消息真定假，因为我就觉得唔需要为𠮶啲不失嘅报道出嚟辩驳澄清。”

被问到旧爱李影离世，有否造成打击？刘松仁说：“老实讲，每个朋友离开系唔舍得，不过都要接受，因为呢个系定律。（会唔会喺幕前演出？）我就话唔会，不过上天安排系点我就唔知，我会顺住去，始终我系冇戏瘾，同埋我唔恨表演，但我就钟意做幕后睇人做戏，同埋分享经验。不过将来系点，讲到尾都唔知会发生咩事，都系听天由命，到咗咁嘅年纪，最紧要每日过得开心，好好享受。”