《反黑2》传因资问题全面停拍　陈炜爆料记招后从来无收过剧本

由陈小春、陈国坤和王合喜等主演的网剧《反黑》第一季口碑强劲，时隔六年，监制宋本中于去年11月声威气势举行记招宣布开拍第二季，直指投资金额高达2亿港元，新剧除了原班人马外，亦会加入谢天华、陈炜、陈山聪、肥妈等人阵容鼎盛。不过今日有传《反黑2》因资金问题突然全面停工。

陈炜今晚（6/4）现身新蒲岗睇舞台剧，就事件接受《香港01》访问时说：“其实我自己就唔系好清楚件事系点，因为自己就仲未开工，都系等紧佢哋通知，而我自己都想知几时先开得工。喺上星期我去画展见到呢套剧嘅监制陈欣健，我都有问佢我几时先开得工，佢就答我都快嘅啦，再过多两三个星期左右啦。（担唔担心之后开唔到工？）我唔清楚，因为4月我就安排咗工作，要拍旅游节目，到5月份我又要开另一部剧，变咗我都未知我嘅时间点样去安排。”

炜哥续说：“其实我之前都有见到其他同事去开工，同埋都有听到导演宋本中佢好似病咗一段时间，而其他嘢我就唔清楚。（未证实停拍？）我知系休息咗一段时间系冇开嘅，好似由农历年之后就冇再开拍。（记招后有冇收到剧本？）系冇嘅，我只系知道自己嘅角色系乜，同埋大概嘅内容，我系未开过工。”