Loong 9专访｜文佐匡负评不断认衰仔 冼靖峰黄奕斌：冇谂过退团
第一次接触滚轴溜冰的冼靖峰、黄奕斌及文佐匡，最初穿上滚轴溜冰鞋时连站都站不稳，但经过一段时间他们耐心的学习后，屡次尝试最后终于可以在滚轴溜冰场内自由行走。他们一次又一次的失败再尝试的心，就有如他们加入Loong 9后面对一次又一次的负评，但都逆难而上，最终定能成功。
无线（TVB）与内地合办的选秀节目《亚洲超星团》已经于月初（9日）在澳门圆满结束，并成功在65位练习生中选出9位成员正式出道，分别是奥利 、李权哲、冼靖峰 、江信熹、梁诗煜、白子奕、文佐匡、黄奕斌及陈梁，并把团名命名为“Loong 9”。Loong 9自成团后话题一直不断，不论在成员上或是能力上网民都有著不同的见解，自然引起不少的纷争。Loong 9成员下月就出发内地准备闭关集训，在出发闭关前香港成员冼靖峰、文佐匡及黄奕斌就接受《香港01》的专访。
三位成员因为比赛而熟悉？
冼靖峰表示自己与黄奕斌同是《声梦传奇1》出身：“我哋都系红组，系同一team啦，我哋有两round系同一个团队入面一齐比赛，我哋有合作过，但冇同一个舞台solo较量过，咁我同啊Sean就系《声梦2》嘅时候度认识。”他表示当时其实并不熟悉对方是谁，直至到一个节目才把他们串连在一起。文佐匡就觉得是《亚洲超星团》这个节目把他们的关系拉近，现在更成为了团员：“因为每一日都要见对方！”
对于《亚洲超星团》这个比赛的感想
《亚洲超星团》由去年7月开始在内地进行集训及录影，直至11月底才播出预录部分，至3月才正式举行决赛，整个过程历时大概大半年。冼靖峰表示能力上有很大的转变，因为多接触了跳舞，跳得愈来愈好，而唱歌方面则可以尝试更多不同的风格。除了能力上有转变外他亦提到心态上都有改变：“因为玩咗比赛之后，呢大半年嚟一直都揾方法去improve自己。”
黄奕斌说因为参加了比赛，所以看到自己的不足，继而去学更多的东西，希望之后可以在团队内发挥出来。而心态上面他亦说到有变化：“因为好多时唔可以意识到自己有咩不足系好大嘅问题。”
文佐匡就觉得参加比赛之后，不论在什么方面都有进步，但得到最多的就是心态：“因为唔止系台上面有压力点样去面对，点样面对老师嘅评论，点样面对fans嘅评论。”除此之外他更学会面对不同的波折，加速他的成长。
对团名“Loong 9”有什么感觉？
三人对于“Loong 9”这个团名没有比我们大家早知道，他们也是在台上被公布的时候知道的：“我哋喺台上面突然之间讲咗，Loong 9！”冼靖峰表示其实都很惊讶：“因为我地都系同观众同一时间知道呢个名，我地冇预先知道呢个名。其实我觉得玩呢个节目又或者呢个show嘅时候，最开心反而系好多时我哋知道嘅资讯同观众知道嘅资讯都系同一时间知道，所以我地react𠮶个timing都系一样㗎！”
冼靖峰说到在成团当日曾表达过对团名的感觉，他觉得团名其实很有意思：“之后落嚟再谂里面嘅含义会唔会系more than……净系睇到嘅事呢！我觉我系一个好好嘅讲法，就系我哋9个人都好似一条龙咁，各自都走出自己一条好光荣嘅大道。”
黄奕斌说知道团名一出来的时候会有不少的回响：“对于我哋做artist嚟讲，做团体嚟讲都系一件好事，一个好嘅开头。我自己本身都系好信风水嘅，见到好多人都系以风水角度去讲呢个名，好似又几好咁㖞，老实讲，系愈来愈钟意呢个名。”
文佐匡觉得这个名字一出来就有不同的声音是一件好事，因为即使不知道团员有谁都知道有这个团体，会有利于大家之后更了解他们。
而有关他们的外号是什么龙，到底是他们自己改还是被安排，他们一致的说是被通知的，一知道就已经上网搜寻有关他们外号的龙有什么意思。冼靖峰是妙音龙子，而文佐匡就是迅猛龙，黄奕斌则是翼龙，他们均表示这个外号都不是自己取的。黄奕斌就觉得：“我觉得系其实佢都好大程度上系话畀我听我地每个人有自己风格，自己特色，喺自己𠮶方面可 以突出到自己之余都可以帮助到个团队有更加多唔同嘅可能性，所以so far我对于无论系自己个外号定系个团名我觉得系满意嘅。”
文佐匡觉得外号出来后亦有不少的声音：“呢个名出到嚟系一个好大嘅noise嘅，所以其实系一件好事啦，对我地嚟讲，我地去到边，即系人哋起码知道呢一个团嘅存在先，可能唔知道我地团入面有边几个，但系知道呢个团，咁起码有做呢一个first step。”他说自己很喜欢他的外号“迅猛龙”，因为：“佢系恐龙界别最聪明𠮶只啦，因为佢系所有恐龙入面最smart嘅，𠮶只恐龙对我嚟讲系最吸引我嘅！我要成为佢！”可见文佐匡的上进心很强，希望把自己变得更加好。
“Loong 9”一开始就已经超多负评，会否因此而失落
一向强心脏的冼靖峰说：“其实我觉得冇话开唔开心，因为其实名只系一个人地去认得你，或者称呼你一个外号，呢个外号亦都唔代表你本身系点样。因为我觉得其实尤其是我哋系表演团体，表演团体嘅名只系人地一个名去认住你，咁实际上我觉得最紧要都系回归返表演本身，如果你表演系好睇你啲歌系好听，其实人地就会觉得你系好。”
黄奕斌亦觉得团名只是大家认识他们的开始，并不是一切：“最终佢哋要了解我哋本身都系要提返我哋表演，可能睇返我哋之后出道嘅歌，或者系我哋之后有嘅舞台，咁我觉得呢个先系最重要比观众认识到，同埋fans认识到我哋嘅方式。所以我觉得呢个团名对我自己个人嚟讲，同埋我相信对大家嚟讲都唔系一个好大嘅影响。”
文佐匡觉得有负评就是好：“其实有啲负评，其实系good thing嚟嘅。我觉得系我哋嘅作品，系去介绍我哋个人嘅魅力俾大家，而唔系个团名，个团名系净系代表我哋九个。”他们都希望透过作品而令大家去认识他们。
说到他们即将到内地与其余六人一同集训，他们怕不怕因为种种细节而发生磨擦
冼靖峰不怕之余反而十分期待跟他们六人合作：“我反而特别期待同佢哋六位合作，因为其实我自己喺个比赛入面已经喺唔同round其实都系睇过佢哋唔同表演，其实我觉得佢哋都会掉返转知道我哋各自都会知道我哋大家强项系边弱项系边，咁所以再合作嘅时候反而系会更加有默契啦。”
黄奕斌则欢迎争辩？他觉得有争辩就等于大家都很想去做好那一件事：“因为有争辩证明大家都对呢样嘢好在意，好想做好佢，咁多两个唔同意见碰撞嘅时候我哋先会知究竟边个更加适合去做呢一part，或者系边个嘅谂法边个idea更加适合呢一part。其实因为最终我哋大家都系希望佢团结，所以我觉得有时候争辩避免唔到，只不过我哋系用咩态度去面对呢个问题。”他觉得这种的争辩最后都会是为团队带来好处，令团队有更好的一面呈现。
文佐匡提到自己在之前节目中经历了一些不好的事情，例如争位置及踢台等行为：“因为可能一开始我自己个人经历咗啲唔好嘅事情啦，就系因为争位置啊然后呢啲跟住就嘈交。咁obviously 𠮶阵时经历咗呢啲嘢之后呢，亦都教识咗我点样去处理下一次。咁其实而家系一个团队，所以我觉得我哋应该已经系比较了解对方㗎啦，就会冇乜呢啲争辩啦，同埋大家应该已经知道点样处理。”果然经一事长一智，当初的文佐匡已经脱变，慢慢已经不再是当初大家看到的黄毛小子。
冼靖峰与文佐匡自加入“Loong 9”后，不论能力及出道排名等都备受争议，他们又怎样去看这一件事？
从选秀开始已经受尽不少负评的冼靖峰表示大家的负评就是对他们的寄语：“我觉得呢一个其实系一个expectation，人哋会expect入咗团嘅人，一定要具备啲乜嘢资格，但系我反而系反转睇，呢个expectation其实系人哋想我希望入咗团之后，我可以去到呢个标准。”每次将不少的负评转化为动力亦是他经常挂在嘴边，更会把每一个负评去吸收。
文佐匡就因为在总决赛时被人踢爆有人花50万“买票”一事而被网民围攻，更指他不应出现在团体内，基本上所有难听的说话他都听过了，对于这些狠话他都表示无奈：“有一啲负评呢，咁系确实系真嘅，即系例如我踢桌呢个事情呀，确实系我自己做错咗啦，咁呢一啲佢哋讲嘅负评，我系会去考虑去思考去谂点样做好啲，下一次去进步自己嘅成长。”当场踢桌这一件事在录影时发生，直至播出已经相隔了一段时间，他在这段时间就想办法去改善自己的问题：“咁如果见到呢啲负评，obviously我系会有影响，会唔开心㗎啦。但系真嘅负评，即系讲紧真实嘅嘢，呢一啲会令到我，畀我一个motivation去做得更好然后唔止证明俾观众睇，亦都要系证明俾我自己睇。我系成长咗，我系每日有进步嘅，而唔系原地踏步紧。”
可以见到文佐匡的脾气因为这段时间的经历而收歛了不少，所谓经一事长一智，相信文佐匡已经领悟到不少的真谛。虽然他提到一开始情绪的确为此而受到影响，但久而久之这些负评、狠话，就已经变成每日都出现的事情，最重要的是自己怎样去消化一件事，说到底还是心态的问题。
至于黄奕斌是三人之中负评最少的一位，对于这他又会否有侥幸的心态？黄奕斌就觉得自己喜欢看负评：“因为你会发觉其实好多负评，你系从中间用另外一个角度睇，你好似掉返转你可以吸收到佢。即系可能讲紧𠮶样嘢可能系真实发生系你身上嘅问题，而你自己好多时你自己唔会去谂呢啲嘢，咁我觉得系佢会帮到我。”
至于由“Loong 9”成团后一直负评不断，他们三人是否有一刻感到自己加入错误？
冼靖峰就不觉得是一个错误，因为即使负评再多都不能逃避，要自己有能力去消化：“我觉得每一个artist，都要识得去消化每一个comments，有时我哋刻意唔去睇个comments又唔得，因为我哋都要知道。究竟我哋唔好成日活喺自己，好似活喺乌托邦咁样。”他觉得作为新人的他，早一点去面对这些事情，有能力去消化这些事，都是一件好事。他续说：“因为有呢一啲阶段先代表，你会有成长嘅可能性，因为有呢啲负评，我哋可能会情绪低落过。但系我觉得，喊完，情绪低落完，企返起身之后，其实就系要去面对更加多嘅挑战。”他仍然在这个情况之下寻求突破，把自己推向更高峰。
文佐匡认为大家怎么说其实控制不了，只是做好自己的一部分就行：“有言论系一定嘅事情，You cannot control，咁只能够做好我自己。然后畀大家睇到我哋九个人，我哋个人嘅魅力，我哋个人自己有嘅独特嘅实力，同埋独特嘅地方。”
黄奕斌都觉得负评可以加速成长：“我本身系个情绪系好开心好幸福嘅，咁我觉得有负评呢样嘢对于我哋嚟讲，呢个noise可以令到我哋成长更加多，同埋呢个noise亦都证明，系而家呢一刻系有好多人关注紧呢件事，which is对我哋嚟讲系一种尝试。同埋我哋越早越到遇到负评呢样嘢，我觉得系对于我哋讲成长嚟讲系一件好好的事，所以我觉得老实讲我冇一刻系谂过要退团或后悔嘅呢件事！”从黄奕斌坚定不移的眼神中，可以看得出他的男团火很猛烈，亦很期待未来的路。
面对著种种的压力，自己又会怎样去化解？
冼靖峰就会去听歌，用歌声来解决不开心的情绪：“冇嘢系解决唔到！就好似情绪咁样，你一定揾到个出口，揾到个出口揾到个抒发点，基本上自己就会好。”黄奕斌会在家中跟自己的爱猫玩：“我会捉咗我只屋企只猫出嚟之后，开始揽住佢，因为我发觉其实好似揽住某一样嘢，即系譬如小动物呀或者啲公仔呢。个心情好似系你有咗一个依靠，跟住你会放松咗好多。”文佐匡就会选择大吃一顿：“唔开心𠮶阵时就食啦，跟住见到啲负评嘅时候食啦。”除了大吃一顿，他会找朋友倾诉，讲完之后就能平伏心情。
有关未来“Loong 9”的新动向是什么？
他们均表示暂时未知道下一步是什么，暂时只知道将会到北京进行密锣紧鼓的集训，之后还有机会出团歌：“第一首团歌其实系最能够证明，我哋九个人嘅想法嘅一首歌，所以要好好咁做。”至于将来Loong 9会走出什么风格时，他们觉得：“我觉得我哋团体风格系等到我哋大家一齐合并，可能有个不同chemistry之后，先可以定到我哋究竟系咩风格。”
Sean ：
Hair：Jaffy Wong (k11 Hair Corner)
Make Up： Kiya Hung @ King’s Makeup
Hugo，Archie：
Hair： Hugo Poon @ PRIVATE i salon
Makeup：Wasabi Cheung @ KingsMakeup
场地鸣谢：
Bun's 2020
ResalaseeHK镭射枪战